ورتالىق افريكا رەسپۋبليكاسىنىڭ ۇكىمەتى ەلدىڭ باتىسىنداعى التىن كەنىشىن جاپتى. بۇل اپتانىڭ باسىندا بولعان وپىرىلىستا 100-دەن استام ادام قازا تاپقان ەدى. شەشىمدى تاۋ-كەن جانە گەولوگيا ءمينيسترى رۋففين بەنام بەلتۋنگۋ جاريالادى. ول كەنىشتىڭ جابىلۋ سەبەبىن «تاۋ-كەن ءوندىرۋ ستاندارتتارىنىڭ ساقتالماۋى جانە اكىمشىلىك نۇسقاۋلاردىڭ ورىندالماۋىمەن» ءتۇسىندىردى. وپىرىلىسقا قاتىستى تەرگەۋ جالعاسۋدا.
وپىرىلىستا تاعى بىرنەشە ادام جاراقات الدى. بۇل مينەرالدى رەسۋرستارعا باي ەلدەگى سوڭعى تاۋ-كەن اپاتى. مۇندا حالىقتىڭ ەداۋىر بولىگى ۇساق كەن وندىرۋمەن اينالىسادى. كەنشىلەر قورعانىس قۇرالدارىنىڭ جوقتىعىنان ۇلكەن قاۋىپكە ۇشىرايدى، ال كەنىشتەردىڭ ءالسىز رەتتەلۋى ءجيى اجالعا اكەلەدى.
جەرگىلىكتى جۇمىسشىلاردىڭ قۇتقارۋ ارەكەتتەرى اۋقىمدى اپاتقا قاجەتتى تاجىريبە مەن جابدىقتىڭ جەتىسپەۋشىلىگىنەن قيىندادى. ايتا كەتۋ كەرەك، زامبوە كەنىشى اپاتقا دەيىن جابىلعان بولاتىن، الايدا زاڭسىز كەنشىلەر وندا جۇمىسىن جالعاستىرعان.
ازاماتتىق قوعام ۇيىمى I Gwe جەتەكشىسى كۆەنتين نگبواندو ءمينيستردىڭ شەشىمىن «ايقىن جانە تابيعي» دەپ اتادى. ول زاڭسىز كەنشىلەردىڭ قۇقىقتىق ايادان تىس جۇمىس ىستەگەنىن قوسىمشا ايتتى.