2026 جىلعى 11 قىركۇيەكتە الماتىدا Central Asia Fintech Summit (CAFS) وتەدى. ونى قازاقستان رەسپۋبليكاسىنىڭ ۇلتتىق بانكى، ۇلتتىق تولەم كورپوراسياسى جانە Kazakhstan Fintech Network ۇيىمداستىرادى. ءىس-شارا الداعى ونجىلدىقتىڭ قارجى نارىعىنىڭ ارحيتەكتۋراسىن تالقىلاۋ ءۇشىن توپ-مەنەدجەرلەردى، قارجى سەكتورىنىڭ باسشىلارىن جانە سالانىڭ جەتەكشى ساراپشىلارىن جينايدى، دەپ حابارلايدى infohub.kz سايتى.
الماتىداعى «سەليننىي» زاماناۋي مادەنيەت ورتالىعىندا وتەتىن اۋقىمدى شارانىڭ باستى تاقىرىبى — «سەنىم ءداۋىرى: كەلەسى ونجىلدىقتىڭ قارجى نارىعى قانداي بولادى؟».
الداعى ءسامميتتىڭ باعدارلاماسى سيفرلىق ەكونوميكانىڭ نەگىزگى سىن-قاتەرلەرى مەن ماكروترەندتەرىنە باعىتتالعان. ءىرى قارجى ينستيتۋتتارىنىڭ باسشىلارى، فينتەح كومپانيالارى جانە مەملەكەتتىك سەكتور وكىلدەرى سالانىڭ ستراتەگيالىق دامۋ ۆەكتورلارىن، جاڭا بۋىن تولەم جۇيەلەرىنىڭ بولاشاعىن جانە سيفرلىق قارجىنىڭ ترانسشەكارالىق مۇمكىندىكتەرىن تالقىلايدى.
ۇيىمداستىرۋشىلار بۇگىندە نارىق ارحيتەكتۋراسىن وزگەرتىپ جاتقان تەحنولوگيالىق يننوۆاسيالارعا ەرەكشە ءمان بەرەدى. پىكىرتالاس پانەلدەرىندە ساراپشىلار جاساندى ينتەللەكتتى ناقتى ەكونوميكادا قولدانۋدى جانە قاداعالاۋ تەحنولوگيالارىنىڭ ەۆوليۋسياسىن قاراستىرادى.
ءسامميتتىڭ ماڭىزدى بولىگى — سيفرلىق قارجى اكتيۆتەرى ءۇشىن جاھاندىق باسەكەلەستىك پەن قازىرگى قارجى تەحنولوگيالارىنا دەگەن سەنىمنىڭ نەگىزى بولىپ تابىلاتىن الاياقتىقتان قورعاۋدىڭ ۇجىمدىق جۇيەسىن قۇرۋدى تالقىلاۋ.
CAFS 2026 الاڭىندا ايماقتىڭ فينتەح ەكوجۇيەسىن كەڭەيتۋ بويىنشا جاڭا ستراتەگيالىق باستامالار ۇسىنىلادى، سيفرلىق ەكونوميكانى قورعاۋ جانە ينكليۋزيۆتى تەحنولوگيالىق قاۋىمداستىقتاردى دامىتۋ سالاسىنداعى ۇزدىك جەتىستىكتەر اتاپ وتىلەدى.
Central Asia Fintech Summit (CAFS) — ايماقتاعى قارجى جانە تەحنولوگيا سەكتورلارىنىڭ باستى وقيعالارىنىڭ ءبىرى. ءىس-شارا بانك سالاسىنىڭ توپ-مەنەدجەرلەرىن، مەملەكەتتىك سەكتور مەن فينتەح كومپانيالارىنىڭ وكىلدەرىن سيفرلىق ەكونوميكا مەن قارجى نارىعىنىڭ بولاشاعىن تالقىلاۋ ءۇشىن بىرىكتىرەدى.
ۇلتتىق تولەم كورپوراسياسى (ۇتك) — قازاقستان رەسپۋبليكاسى ۇلتتىق بانكىنىڭ ەنشىلەس ۇيىمى. ۇتك ۇلتتىق تولەم جۇيەسىنىڭ ۇزدىكسىز جۇمىسىن قامتاماسىز ەتەدى، بانكارالىق جۇيەنىڭ تەحنيكالىق وپەراتورى رەتىندە ارەكەت ەتەدى، سونداي-اق وزىق سيفرلىق ينفراقۇرىلىم جوبالارىن («ءبىرىڭعاي QR»، Open Banking، «سيفرلىق تەڭگە») دامىتادى.
Kazakhstan Fintech Network — مەملەكەتتى، قارجى نارىعىن، تەحنولوگيالىق كومپانيالاردى، ستارتاپتاردى جانە حالىقارالىق سەرىكتەستەردى قازاقستاننىڭ فينتەح ەكوجۇيەسىن دامىتۋ ءۇشىن بىرىكتىرەتىن بەيتاراپ سالالىق پلاتفورما. ۇيىم قازاقستانداعى Global Financial Technology Network (GFTN) كومپانياسىنىڭ ەكسكليۋزيۆتى سەرىكتەسى بولىپ تابىلادى.
ۇيىمداستىرۋشىلار: ۇلتتىق تولەم كورپوراسياسى، Kazakhstan Fintech Network، قازاقستان رەسپۋبليكاسىنىڭ ۇلتتىق بانكى. وتەتىن ورنى: الماتى ق.، ماسانچي ك-سى، 59 («سەليننىي» زاماناۋي مادەنيەت ورتالىعى). تىركەلۋ جانە باعدارلامانىڭ ەگجەي-تەگجەيى: centralasiafintech.kz.