امەريكالىق اكتەر چاد لوۋ مەن جۇبايى، پروديۋسەر كيم پەينتەر 13 جاستاعى سۇيىكتى قىزدارى فيونانىڭ قايتىس بولعانىن حابارلاپ، قاتتى قايعىرىپ وتىرعانىن مالىمدەدى. بۇل تۋرالى infohub.kz سايتى جازادى.
«ول — اقىلدى، شىعارماشىل ءارى بيلەگەندى جاقسى كورەتىن مەيىرىمدى جاس قىز ەدى. اپالى-سىڭلىلەرى ونى قاتتى جاقسى كورەتىن، اتا-اناسى وعان دەگەن سۇيىسپەنشىلىگىن ايامايتىن. شىن مانىندە، ول — ءومىرىمىزدىڭ نۇرى بولاتىن»، — دەلىنگەن وتباسىنىڭ Page Six جانە People باسىلىمدارىنا تاراتقان مالىمدەمەسىندە.
«ونىڭ قازاسى بۇكىل وتباسىمىز ءۇشىن اۋىر سوققى. وسى قيىن ساتتە بىزدەن دۇعا مەن جەكە ءومىرىمىزدىڭ قۇپيالىلىعىن ساقتاۋدى سۇرايمىز»، — دەپ جالعاستىردى وتباسى.
مالىمدەمە سوڭىندا: «ەگەر ءسىز نەمەسە تانىسىڭىز پسيحيكالىق دەنساۋلىققا بايلانىستى قيىندىق كورىپ جۇرسە، 988 نومىرىنە قوڭىراۋ شالىپ نەمەسە حابارلاما جىبەرىپ، 988 Suicide & Crisis Lifeline قىزمەتىنە حابارلاسىڭىز»، — دەپ جازىلعان.
چاد لوۋ — اكتەر روب لوۋدىڭ اعاسى. ول 1993 جىلى «Life Goes On» تەلەحيكاياسى ءۇشىن «ەممي» سىيلىعىن جەڭىپ العان. سونداي-اق «Pretty Little Liars» جانە «Supergirl» سياقتى باسقا دا باعدارلامالاردا تۇسكەن.
ول جانە پەينتەر — 17 جاستاعى مەيبل مەن 10 جاستاعى نيكسي ەسىمدى قىزدارىنىڭ دا اتا-اناسى.