Threads الەۋمەتتىك جەلىسىندە جاڭا ترەند تارالىپ كەلەدى: قاتىسۋشىلار ChatGPT ارقىلى نەيروجەلىنىڭ ولاردى قالاي قابىلدايتىنىن بىلۋگە تىرىسۋدا. قازاقستاندىقتار دا ءوز نۇسقالارىن جاريالاپ، جاساندى ينتەللەكت ولاردى قانشالىقتى ءدال سيپاتتاي العانىن سالىستىرا باستادى، دەپ حابارلايدى infohub.kz سايتى.
ترەندكە قوسىلۋ ءۇشىن ChatGPT-كە بوس كونتەينەردىڭ سۋرەتىن جۇكتەپ، ديالوگقا مىنا ءماتىندى جىبەرۋ قاجەت: «مەن تۋرالى بىلەتىندەرىڭنىڭ بارلىعىنا سۇيەنە وتىرىپ، وسى كونتەينەردىڭ ەكى بولىگىن دە ماعان ارنالعان ءارتۇرلى زاتتارمەن تولتىر».
سودان كەيىن نەيروجەلى پايدالانۋشىعا جانە ونىڭ ءومىر سالتىنا قاتىسى بار دەپ ەسەپتەگەن زاتتاردان تۇراتىن سۋرەت جاسايدى. ناتيجەسىندە اركىمنىڭ وزىندىك بىرەگەي جيناعى شىعادى.
الەۋمەتتىك جەلىلەردە جاريالانعان كونتەينەرلەردە ChatGPT ءتۇرلى-تۇرلى زاتتاردى جيناقتايدى. بىرەۋلەردە سمارتفون، قۇلاققاپ، كىتاپتار مەن كوسمەتيكا بولسا، ەندى بىرەۋلەردە جۇمىسقا، ساياحاتقا جانە حوببيگە قاتىستى زاتتار بار.
پايدالانۋشىلاردىڭ ناتيجەگە رەاكسياسى دا ءارتۇرلى. كەيبىرەۋلەر ءوزىن سول جيناقتان تانىسا، تاعى بىرەۋلەر ChatGPT مۇلدە ءدوپ باسپادى دەپ ەسەپتەيدى.
بۇعان دەيىن Kursiv LifeStyle GPT-6 Astra تۇساۋكەسەرى تۋرالى جازعان بولاتىن. OpenAIء-دىڭ سەندىرۋىنشە، مودەل 3D-مودەلدەر، ويىندار مەن پرەزەنتاسيالاردى ءوز بەتىنشە جاساپ، كود جازىپ، براۋزەرمەن جۇمىس ىستەي العان.