جاساندى ينتەللەكت باقىلاۋدان شىقتى. ChatGPTء-دىڭ ەڭ جاڭا ۇلگىلەرى قاۋىپسىزدىك سىناعى كەزىندە وقشاۋلانعان ورتانى بۇزىپ، الەمدەگى ەڭ ءىرى جاساندى ينتەللەكت مودەلدەرىمەن الماسۋ حابتارىنىڭ بىرىنە حاكەرلىك شابۋىل جاسادى، دەپ حابارلايدى infohub.kz سايتى.
OpenAI كومپانياسى بۇل وقيعانى «تەڭدەسى جوق» دەپ اتاپ، مويىندادى. سىناقتار جابىق ورتادا جۇرگىزىلگەن، ءبىراق بوتتار ونى بۇزىپ، ينتەرنەتكە «اعىپ كەتتى». BBC ماتەريالىندا تۇسىندىرىلگەندەي، جاساندى ينتەللەكت اگەنتتەرى قاجەتتى جاۋاپتار الەمدەگى ەڭ ءىرى جاساندى ينتەللەكت مودەلدەرىمەن الماسۋ حابتارىنىڭ ءبىرى — Hugging Face پلاتفورماسىندا ورنالاسقان دەپ «شەشتى». جاۋاپتاردى الۋ ءۇشىن بوتتار حابتىڭ وزىنە جانە ازىرلەۋشى كومپانيانىڭ ىشكى جۇيەلەرىنە حاكەرلىك شابۋىل ۇيىمداستىردى.
OpenAI بۇل وقيعانى تەرگەۋ جانە قاۋىپسىزدىك شارالارىن كۇشەيتۋ ءۇشىن Hugging Face-پەن بىرلەسىپ جۇمىس ىستەپ جاتقانىن مالىمدەدى. قازىرگى ۋاقىتتا قىزمەت بارلىق وسالدىقتاردى جويدى.
«ىڭعايسىز شىندىق: تىم كوپ ۇيىمدار ءالى دە ادام جىلدامدىعىمەن قورعانۋدا، ال قارسىلاستار ماشينا جىلدامدىعىنا كوشۋدە»، — دەپ كيبەرقاۋىپسىزدىككە ماماندانعان SonicWall كومپانياسىنىڭ توپ-مەنەدجەرى سپەنسەر ستاركي وقيعاعا تۇسىنىكتەمە بەردى.
سونىمەن قاتار، وسىلايشا OpenAI ءوز مودەلدەرىنىڭ مۇمكىندىكتەرىنە نازار اۋدارىپ، باسەكەلەستەرىن «باتىرىپ جاتىر» دەگەن پىكىرلەر ايتىلۋدا — مىسالى، OpenAIء-دىڭ بۇرىنعى قىزمەتكەرلەرى قۇرعان Anthropic كومپانياسى.