فلوريدادا (اقش) تۇراتىن بۇرىنعى پاستور OpenAI كومپانياسى مەن ونىڭ باس ديرەكتورى سەم التمانعا سوتقا شاعىم ءتۇسىردى. ونىڭ ايتۋىنشا، ChatGPTء-تىڭ كەڭەستەرى ونى مەديسينالىق كومەككە جۇگىنۋدى كەشىكتىرۋگە ءماجبۇر ەتكەن، بۇل ءقاۋىپتى سالدارعا اكەپ سوققان، دەپ حابارلايدى infohub.kz.
بۇل جاعداي تۋرالى The New York Times گازەتى حابارلادى. بۇل – پايدالانۋشىنىڭ فيزيكالىق اۋرۋى تۋرالى كەڭەس سۇراعان كەزدە چات-بوتتىڭ مەديسينالىق ۇسىنىستارىمەن تىكەلەي بايلانىستىرىلعان العاشقى بەلگىلى سوت ءىسى.
تالاپ قويۋ قۇجاتىنا سايكەس، 2025 جىلى ەر ادام اياعىنىڭ اۋرۋى، ءىسىنۋ جانە باسقا بەلگىلەرگە شاعىمدانىپ، ChatGPT-گە بىرنەشە رەت جۇگىنگەن. چات-بوت وعان ەرەكشە ءقاۋىپ جوق ەكەنىن ايتىپ، دەنە بەلسەندىلىگىن شەكتەۋگە جانە دارىگەرگە اسىقپاۋعا كەڭەس بەرگەن. تالاپ قويۋشىنىڭ پىكىرىنشە، ءدال وسى ۇسىنىستار ەمدەۋدىڭ ءقاۋىپتى كەشىگۋىنە اكەلگەن. كوپ ۇزاماي ول وكپە ارتەرياسىنىڭ ءماسسيۆتى ترومبوەمبولياسىمەن رەانيماسياعا جات قىزىلعان.
سوت ىسىندە OpenAI-نى ابايسىزدىقپەن جانە زاڭسىز مەديسينالىق تاجىريبەمەن اينالىستى دەپ ايىپتايدى. تالاپ قويۋشى اقشالاي وتەماقىدان بولەك، كومپانيادان ChatGPT جۇمىسىن وزگەرتۋدى تالاپ ەتەدى: شۇعىل جاعدايلاردىڭ بەلگىلەرى بايقالعاندا، چات-بوت مۇنداي كەڭەستەردى توقتاتىپ، پايدالانۋشىعا دەرەۋ دارىگەرگە قارالۋدى ۇسىنۋى كەرەك. سونداي-اق، تالاپتا ChatGPT Health قىزمەتىن ىسكە قوسۋ ونىڭ قاۋىپسىزدىگىنە تاۋەلسىز تەكسەرۋ جۇرگىزىلگەنشە توقتاتىلۋىن سۇرايدى.
OpenAI كومپانياسى ChatGPT اۋرۋلاردى دياگنوستيكالاۋ نەمەسە ەمدەۋ ءۇشىن ارنالماعانىن جانە ونى دارىگەردىڭ ورنىنا قولدانۋعا بولمايتىنىن مالىمدەدى. كومپانيادا مودەلدىڭ قاۋىپسىزدىك مەحانيزمدەرىن جەتىلدىرۋدى جالعاستىرىپ جاتقاندىقتارىن دا اتاپ ءوتتى.
جاساندى ينتەللەكتپەن ۇزاق ۋاقىت ارەكەتتەسۋ ادامنىڭ ويلاۋىنا قالاي اسەر ەتۋى مۇمكىن — «كۋرسيۆ» باسىلىمىنىڭ ماقالاسىنان وقىڭىز.