چەحيانىڭ گرادەس-كرالوۆە قالاسىنداعى مۋنيسيپالدى ۇيىم قىزمەتكەرى الاياقتارعا 46 ملن كرونا (2 ملن دوللار) اۋدارىپ بەرگەن، دەپ حابارلايدى infohub.kz.
وقيعا وتكەن اپتادا گرادەس-كرالوۆە جىلجىمايتىن م ۇلىك باسقارماسىندا بولعان. قارجىعا جاۋاپتى قىزمەتكەر وزدەرىن پوليسيا جانە ۇلتتىق بانك قىزمەتكەرى رەتىندە تانىستىرعان بەلگىسىز ادامداردىڭ پسيحولوگيالىق قىسىمىنا تۇسكەن.
قىلمىسكەرلەر كۇردەلى الداۋ سحەماسىن قولدانعان، ال ەر ادام باسشىلىققا حابارلاماي، بيۋدجەت قاراجاتىن بوگدە شوتتارعا اۋدارىپ جىبەرگەن. جالپى زيان شامامەن 46 ملن كرونا (2 ملن دوللار) بولدى.
«قارجىمەن جۇمىس ىستەيتىن ناقتى ءبىر قىزمەتكەردىڭ ارەكەتىندە اقاۋ بولدى. ول قىسىمعا شىداپ، بارلىق باقىلاۋ جانە قاۋىپسىزدىك جۇيەلەرىن اينالىپ ءوتتى»، — دەدى ۇيىم ديرەكتورى ياروسلاۆا بەرنحاردوۆا.
ۇيىمدا بۇل وقيعا باسقارمانىڭ اعىمداعى جۇمىسىنا اسەر ەتپەيتىنىنە سەندىردى: شوتتارداعى اقشا مەن قىزمەتكەرلەردىڭ جالاقىسى زارداپ شەكپەيدى.
بولعان جايت تۋرالى پوليسيا مەن مەريا حاباردار ەتىلدى، تەرگەۋ باستالدى. قالا اكىمدىگى قاۋىپسىزدىك جۇيەلەرىن بىرنەشە رەت تەكسەرىپ، ولاردىڭ سەنىمدىلىگىن راستاعانىن، ءبىراق وتكەن اپتادا ءىىم مەملەكەتتىك قىزمەتشىلەرگە شابۋىلداردىڭ كوبەيگەنى تۋرالى ەسكەرتكەنىن اتاپ ءوتتى.
گرادەس-كرالوۆە بيلىگى قىزمەتكەرلەردى الاياقتىق سحەمالاردى تانۋعا ۇيرەتۋدى كۇشەيتۋدى جوسپارلاپ وتىر. وقيعانىڭ باسقا مالىمەتتەرى تەرگەۋ مۇددەسىندە جاريالانبايدى.