موناكودا ۋەفا چەمپيوندار ليگاسىنىڭ 2026/27 ماۋسىمىنداعى جالپى كەزەڭىنىڭ جەرەبەسى ءوتتى. باس جۇلدەلى ەۋروكۋبوكتىڭ نەگىزگى تورىندا 36 كوماندا ونەر كورسەتەدى، دەپ حابارلايدى infohub.kz.
الماتىلىق «قايرات» قاتارىنان ەكىنشى رەت باستى ەۋروكۋبوكتىڭ جالپى كەزەڭىنە شىعا المادى. ەل چەمپيوندارى ءۇشىنشى ىرىكتەۋ كەزەڭىندە جولدى جاۋىپ تاستادى.
چەمپيوندار ليگاسىنىڭ نەگىزگى تورىندا قازاقستاننىڭ جالعىز وكىلى — ءازىربايجاندىق «ساباح» قاقپاشىسى ستاس پوكاتيلوۆ بولادى. باكۋلىكتەردىڭ قارسىلاستارى: «بارسەلونا» (يسپانيا) — ۇيدە، «ارسەنال» (لوندون، انگليا) — سىرتتا، «بورۋسسيا» (دورتمۋند، گەرمانيا) — ۇيدە، «مانچەستەر يۋنايتەد» (انگليا) — سىرتتا، «ناپولي» (نەاپول، يتاليا) — ۇيدە، «ۆيلياررەال» (يسپانيا) — سىرتتا، «سلاۆيا» (پراگا، چەحيا) — ۇيدە، «ۆيكينگ» (ستاۆانگەر، نورۆەگيا) — سىرتتا.
ءبىرىنشى سەبەتتەگى كوماندالار، ونىڭ ىشىندە چەمپيوندار ليگاسىنىڭ قازىرگى جەڭىمپازى — فرانسۋزدىق «پسج»، سونداي-اق ەكىنشى، ءۇشىنشى جانە ءتورتىنشى سەبەتتەگى كوماندالار ءۇشىن جەرەبە ناتيجەلەرى ۋەفا-نىڭ رەسمي سايتىندا ۇسىنىلدى.
چەمپيوندار ليگاسىنىڭ جالپى كەزەڭى 8 قىركۇيەكتە باستالادى. كۇنتىزبە 29 تامىزدان كەشىكتىرىلمەي ۇسىنىلادى.
سەگىز تۋردىڭ قورىتىندىسى بويىنشا ەڭ مىقتى سەگىز كوماندا 1/8 فينالعا شىعادى. 9-24 ورىندى يەلەنگەن كلۋبتار پلەي-وففتىڭ ىرىكتەۋ ماچتارىندا ونەر كورسەتەدى.