2026 جىلدىڭ تامىزىندا قازاقستاندا جاڭا كولىك ساتىلىمى وتكەن جىلدىڭ وسى ايىمەن سالىستىرعاندا 6،3%-عا ءوستى. Chevrolet Cobalt مودەلدەر اراسىندا ءبىرىنشى ورىندى ساقتاپ قالدى، ال Changan CS35 MAX ۇزدىك ۇشتىككە ەندى، دەپ حابارلايدى infohub.kz سايتى.

تامىزدا رەسمي ديلەرلەر 19،1 مىڭ جاڭا جەڭىل جانە كوممەرسيالىق كولىك ساتتى، بىلتىر بۇل كورسەتكىش 18 مىڭ بولاتىن. ماركالار اراسىندا Hyundai كوش باستادى — 3604 كولىك (+1،3%). ەكىنشى ورىندى Chevrolet يەلەندى، ونىڭ ناتيجەسى 2764 ماشينا (+5،9%). Changan ءۇشىنشى ساتىعا كوتەرىلىپ، ساتىلىمىن ەكى ەسەدەن استام ارتتىرىپ، 2217 كولىككە جەتكىزدى.

Kia ءتورتىنشى ورىنعا ءتۇستى. بۇل ماركانىڭ ديلەرلەرى 1556 ماشينا ساتتى، بۇل بىلتىرعى ناتيجەدەن 25،9%-عا از. بەستىكتى Chery تۇيىندەدى — 1129 كولىك (+34،4%).

سونداي-اق ەڭ كوپ ساتىلعان ون ماركانىڭ قاتارىنا مىنالار ەندى: Toyota — 1121 كولىك (+8%)؛ Haval — 897 (+4،9%)؛ Jetour — 865 (-6،8%)؛ Geely — 815 (-9،4%)؛ BYD — 620 (+41،6%).

MG ساتىلىمى ودان دا ايقىن ءوستى — 132،8%-عا. الايدا ابسوليۋتتىك كورسەتكىشتە ماركانىڭ ناتيجەسى شاعىن كۇيىندە قالىپ وتىر: 142 ماشينا.

مودەلدەر رەيتينگىندە ۇزدىك ۇشتىك شىلدەدەن بەرى وزگەرگەن جوق. ءبىرىنشى ورىندى Chevrolet Cobalt يەلەندى — 2603 كولىك. ودان كەيىن Hyundai Tucson (1643) جانە Changan CS35 MAX (1186) تۇر.

ءتورتىنشى ورىندى Hyundai Mufasa — 708 كولىكپەن الدى، ال بەستىكتى Hyundai Elantra 651 ماشينامەن تۇيىندەدى.

ەڭ كوپ ساتىلعان ون مودەلدىڭ قاتارىنا سونداي-اق Kia Sportage (646)، Haval Jolion (588)، Toyota Camry (583)، Changan CS55 Plus (453) جانە Kia Cerato (350) ەندى.

جىل باسىنان بەرى نارىق وڭ سەرپىنىن ساقتاپ وتىر. قاڭتار–تامىز ارالىعىندا قازاقستاندا 146،4 مىڭ جاڭا كولىك ساتىلدى — بۇل 2025 جىلدىڭ وسى كەزەڭىندەگى ناتيجەدەن 2،3%-عا كوپ.

Hyundai ەڭ ءىرى ماركا بولىپ قالا بەرەدى، ءبىراق ونىڭ ساتىلىمى ايتارلىقتاي تومەندەدى — 24 563 كولىككە، ياعني 2025 جىلدىڭ قاڭتار–تامىزىمەن سالىستىرعاندا 21،8%-عا ازايدى.

Chevrolet 23 205 كولىكپەن (+16،2%) ەكىنشى ورىندا، Kia 16 380 كولىكپەن (+5،1%) ءۇشىنشى ورىندا تۇر.

ءتورتىنشى ورىنعا Changan شىقتى — 14 144 كولىك، بۇل بىلتىرعى ناتيجەدەن ەكى ەسەدەن استام ارتىق (+102،1%). بەستىكتى Chery تۇيىندەدى — 10 815 كولىك (+16،4%).

سونىمەن قاتار BYD ساتىلىمى ايتارلىقتاي ءوستى: سەگىز ايدا ديلەرلەر 3208 كولىك ساتتى، بۇل بىلتىرعى كورسەتكىشتەن 133،3%-عا كوپ.

قازاقستاندىق اۆتوموبيل وداعىنىڭ پرەزيدەنتى انار ماقاشەۆا اۆتوپاركتى ودان ءارى جاڭارتۋ كوبىنە قارجىلاندىرۋدىڭ قولجەتىمدىلىگىنە بايلانىستى ەكەنىن اتاپ ءوتتى.

ونىڭ ايتۋىنشا، اۆتوكرەديت مولشەرلەمەلەرىنىڭ ءوسۋى ساتىپ الۋشىلارعا قارجىلىق جۇكتەمەنى ارتتىرىپ، سۇرانىستى تەجەۋى مۇمكىن. قاو-دا تەك ءداستۇرلى اۆتوكرەديتتەردى عانا ەمەس، وندىرۋشىلەر مەن ديلەرلەردىڭ باعدارلامالارىن، trade-in، ليزينگ جانە ساتىپ الۋشىلارعا ەسكى كولىكتەرىن جاڭاسىنا اۋىستىرۋعا مۇمكىندىك بەرەتىن باسقا دا قۇرالداردى دامىتۋ ماڭىزدى دەپ سانايدى.

بۇعان دەيىن كۋرسيۆ اۆتو شىلدەدە قازاقستاندا Cobalt-تان باسقا قانداي كولىكتەر ساتىلىم حيتىنە اينالعانىن جازعان بولاتىن.