Comic Con Astana 2026 فەستيۆالىندە حالىقارالىق كوسپلەي بايقاۋى قايتا وتەدى، جۇلدە قورى 20 ميلليون تەڭگەنى قۇرايدى. قاتىسۋشىلاردى حالىقارالىق قازىلار القاسى باعالايدى، ونىڭ قۇرامىندا نەمىس دۋەتى Kamui Cosplay، ەۋروپالىق كوسپلەيشى Leon Chiro، سونداي-اق حالىقارالىق جارىستاردىڭ جەڭىمپازدارى Sazura، Zakos Crowman، تايس تۋكانوۆا، اننا Brickus جانە Comic Con Astana 2025 باس جۇلدەسىنىڭ يەگەرى ەميليا Grafomanka بار، دەپ حابارلايدى infohub.kz سايتى.
بايقاۋدىڭ جالپى جۇلدە قورى 20 ميلليون تەڭگەنى قۇرايدى. «ارەنا چەمپيونى» باستى نوميناسياسىنىڭ جەڭىمپازى 4،5 ميلليون تەڭگە جانە ءابسوليۋتتى چەمپيون اتاعىن الادى. ءبىرىنشى، ەكىنشى جانە ءۇشىنشى ورىندار ءۇشىن سايكەسىنشە 2،3 ميلليون، 1،6 ميلليون جانە 1،2 ميلليون تەڭگە كولەمىندە جۇلدەلەر قاراستىرىلعان.
نەگىزگى جۇلدەلەردەن باسقا، قاتىسۋشىلار ۇزدىك كوستيۋم، ساۋىت، گريم جانە ت.ب. سياقتى ارنايى نوميناسيالاردا جەڭىسكە جەتۋ ءۇشىن كۇرەسە الادى.
ەسكە سالايىق، Comic Con Astana 6-9 تامىز ارالىعىندا Barys Arena جانە «الاۋ» مۇز سارايى الاڭدارىندا وتەدى. فەستيۆال قوناقتارى اكتەرلەر نيكولاي كوستەر-ۆالداۋ، پول اندەرسون، One Piece سەريالىنىڭ جۇلدىزدارى ينياكي گودوي مەن تاز سكايلار، سونداي-اق K-pop توبى Kandis بولادى.
بۇعان دەيىن Kursiv LifeStyle 2025 جىلى فەستيۆال رەكوردتىق 75 مىڭ قوناق جيناعانىن حابارلاعان. ۇزدىك كوسپلەيشىلەردىڭ تاڭداۋىن سىلتەمە بويىنشا كورۋگە بولادى.