اقش-تىڭ ورتالىق بارلاۋ باسقارماسى (سرۋ) 1998–2001 جىلدار ارالىعىنداعى 11 قىركۇيەك تەراكتىلەرىنە دايىندىققا قاتىستى 71 پرەزيدەنتتىك بارلاۋ قۇجاتىن جاريالادى، دەپ حابارلايدى infohub.kz سايتى.
جاريالانعان ماتەريالدار «ال-كايدا» توبىنىڭ قاۋىپ-قاتەرى جانە ونىڭ اقش-قا شابۋىل جاساۋ جوسپارلارى تۋرالى تراگەديادان بىرنەشە جىل بۇرىن بەرىلگەن ەسكەرتۋلەردى اشادى.
«بۇگىن ديرەكتور دجون رەتكليفف 11 قىركۇيەك تەراكتىلەرىنىڭ 25 جىلدىعىنا وراي جانە پرەزيدەنت دونالد ترامپتىڭ اشىقتىقتى قامتاماسىز ەتۋ جونىندەگى تاريحي باستاماسىنا سايكەس پرەزيدەنتكە ارنالعان كۇندەلىكتى باياندامالاردان 71 قۇجاتتى قۇپياسىزداندىردى»، — دەدى سرۋ-دا.
ايتا كەتەيىك، قۇپياسىزداندىرىلعان 100 بەتتەن استام قۇجات 2004 جىلدان بەرگى 11 قىركۇيەك تۋرالى اناليتيكالىق ماتەريالداردىڭ ەڭ اۋقىمدى اشىلۋى بولدى.
سرۋ باياندامالار ۆەدومستۆو تالداۋشىلارىنىڭ قولدا بار دەرەكتەردىڭ تاپشىلىعى، تولىق ەمەستىگى جانە ۇزىك-ۇزىك بولۋى جاعدايىندا ەل باسشىلىعىن دايىندالىپ جاتقان شابۋىلدار تۋرالى ەسكەرتۋگە تىرىسقانىن كورسەتەتىنىن اتاپ ءوتتى.
ربك دەرەكتەرىنە سايكەس، 2001 جىلعى 11 قىركۇيەك تاڭىندا 19 تەرروريست-وزىن-وزى ءولتىرۋشى اقش-تا ءتورت جولاۋشى ۇشاعىن باسىپ الدى، ولاردىڭ ەكەۋى دۇنيەجۇزىلىك ساۋدا ورتالىعىنىڭ بيىك مۇنارالارىنا سوعىلدى. ءۇشىنشىسى پەنتاگون عيماراتىن بۇزدى، ءتورتىنشىسى پەنسيلۆانيا شتاتىنداعى شانكسۆيلل قالاسىنىڭ ماڭىنا قۇلادى. 2977 ادام قازا تاپتى، تاعى 24 ادام ءىز-تۇزسىز جوعالدى.
ەسكە سالايىق، جاقىندا 2001 جىلعى 11 قىركۇيەك تەراكتىلەرىنىڭ بولجامدى باستى ۇيىمداستىرۋشىسى جانە گۋانتانامو بازاسىندا ۇستالىپ وتىرعان تاعى ءۇش سىبايلاسى 2028 جىلى سوت الدىنا شىعاتىنى بەلگىلى بولدى.
سونداي-اق ءبىز نيۋ-يوركتە 11 قىركۇيەك تەراكتىلەرىنىڭ قۇرباندارىن ەسكە الۋ شاراسى ءوتىپ، وندا 2977 جارىق ديودتى درون ارقىلى ەگىز مۇنارالاردىڭ سۇلباسى قايتا جاڭعىرتىلعانىن جازعان بولاتىنبىز.