دامىتا وقىتۋ تەحنولوگياسىن قولدانۋ تيىمدىلىگى (سلايد)

«بالا دامۋىنىڭ ەڭ شارىقتاۋ شەگى – بۇل ءتىل مەن ويدىڭ شىعارماشىلىعى» (ل. س. ۆىگوتسكي)
پرەزيدەنت جولداۋىندا: «ۇلتتىڭ باسەكەگە قابىلەتتىلىگى ءبىرىنشى كەزەكتە ءبىلىم دەڭگەيىمەن ايقىندالادى» — دەگەن بايلامى جەكە ادامنىڭ قۇندىلىعىن ارتتىرۋ، ونى دايىندايتىن ۇستاز جاۋاپكەرشىلىگىنىڭ ءوسۋى، تىنىمسىز ەڭبەك، ساپالى ناتيجە دەگەن ۇعىممەن ەگىز.

باستاۋىش ساتى – بۇل وقۋشى تۇلعاسى مەن ساناسىنىڭ قارقىندى داميتىن قۇندى، قايتالانبايتىن كەزەڭى. سوندىقتان باستاۋىش مەكتەپ – وقۋشىنى تۇلعا ەتىپ قالىپتاستىرۋدىڭ العاشقى باسپالداعى.
وقىتۋ بارىسىندا جاڭا تەحنولوگيالىق ادىستەردى پايدالانۋ شاكىرتتەردىڭ ويلانا ءبىلۋ قابىلەتتەرىن دامىتادى، ولاردىڭ ءبىلىم ساپاسىن جاقسارتادى، وي ءورىسىن كەڭەيتەدى، ەستە ساقتاۋ قابىلەتتەرىن وسىرەدى. وقىتۋ مەن دامىتۋ ادىستەرىنىڭ ەكەۋى دە جەكە تۇلعانىڭ قالىپتاسۋىنا ۇلكەن ىقپال ەتەتىن ماڭىزدى ايعاقتار بولىپ سانالادى.

باستاۋىش سىنىپ وقۋشىلارىن وقىتۋدا نەگىزىنەن دامىتا وقىتۋ تەحنولوگياسى باسشىلىققا الىنادى. سەبەبى قازىرگى وقۋلىقتار دامىتا وقىتۋ تەحنولوگياسى نەگىزىندە جازىلعان. سوندىقتان ءاربىر باستاۋىش سىنىپ ءمۇعالىمى «دامىتا وقىتۋ» تەحنولوگياسىنداعى ساباقتىڭ قۇرىلىمىن، ءادىسنامالىق نەگىزدەرىن تولىق مەڭگەرىپ، ءوز ءىس - تاجىريبەسىندە شىعارماشىلىقپەن قولدانا ءبىلۋى ءتيىس.
ۆ. ۆ. داۆىدوۆ «دامىتا وقىتۋ دەگەنىمىز – اقىل - ويدىڭ دامۋىنىڭ كورسەتكىشى رەتىندە جيناقتاي، قورىتىندىلاي الۋ داعدىسى» — دەيدى. دامىتا وقىتۋدا بالانىڭ ىزدەنۋشىلىك - زەرتتەۋشىلىك ارەكەتىن ۇيىمداستىرۋ باستى نازاردا ۇستالادى. ول ءۇشىن بالا ءوزىنىڭ وسى كەزگە دەيىنگى بىلەتىن تاسىلدەرىنىڭ جاڭا ماسەلەنى شەشۋگە جەتكىلىكسىز ەكەنىن سەزىنىپ، سودان بارىپ ونىڭ ءبىلىم الۋعا دەگەن ىنتاسى ارتىپ، ءبىلىم الۋدا ارەكەت جاسايدى.
دامىتا وقىتۋ تەحنولوگياسىن قولدانۋ تيىمدىلىگى سلايدتى. جۇكتەۋ