Абсолюттік жекпе-жек чемпионатының (UFC) басшысы Дана Уайт АҚШ президенті Дональд Трамптың Америка Құрама Штаттарының мемлекеттік хатшысы қызметін ұсынуын ашық түрде қабылдамады. Бұл туралы Ақ үйде өткен брифингте мәлім болды, деп хабарлайды infohub.kz сайты.
Ақ үйде журналистердің алдында тұрған АҚШ президенті Уайтқа өзі сұрақ қойды. «Ендеше, саған басты сұрақты қояйын, Дана. Америка Құрама Штаттарының мемлекеттік хатшысы болғың келе ме? Мына маңдайшаға қара. Ол әрдайым сенің артыңда тұрады. Ақ үй, Вашингтон. Осыны қалайсың ба, әлде күлкілі UFC-де қала бергің келе ме?» — деді Трамп.
Дана Уайт Ақ үйдегі мінберден президентке бас тартты. «Ұсынысыңызға рақмет, сэр. Мен саясатта болғым келмейді», — деді ол. Осыдан кейін Трамп әзілдеп, Уайттың сөздеріне көңілі қалғанын айтып, онымен қол алысты.
Бұған дейін АҚШ президенті Дональд Трамп Truth Social әлеуметтік желісінде Абсолюттік жекпе-жек чемпионатының (UFC) басшысы Дана Уайтқа Ақ үйдегі қызметті ұсынған болатын. Өз жазбасында американдық президент командаға бірнеше қазіргі және бұрынғы UFC файтерлерін, оның ішінде АҚШ азаматтығы жоқ Ислам Махачев пен Хабиб Нурмагомедовты тартуды ұсынған. Кейін Трамп әзілдегенін мәлімдеді.