قازاق ءتىلى 4 سىنىپ
تاقىرىبى: دارا جانە كۇردەلى سىن ەسىم
ماقساتى:
1. دارا جانە كۇردەلى سىن ەسىمنىڭ نەگىزگى بەلگىلەرىن مەڭگەرتۋ.
2. دارا جانە كۇردەلى سىن ەسىمنىڭ وزىنە ءتان قاسيەتتەرىن تولىعىراق يگەرتۋ بارىسىندا ءسوزدىڭ لەكسيكالىق جانە گرامماتيكالىق جاقتارىنا كوڭىل ءبول وتىرىپ، وقۋشىلاردىڭ سويلەۋ داعدىلارىن جەتىلدىرۋ.
3. وقۋشىلاردىڭ بويىندا جانۋارعا دەگەن قامقورلىق سەزىمدەرىن وياتۋ.
ەڭبەكقورلىققا باۋلۋ.
ساباقتىڭ ءتۇرى: جاڭا ءبىلىمدى يگەرتۋ.
كورنەكى – قۇرالدار: ينتەربەلسەندى تاقتا. قيما قاعازدار، وقۋلىق
قولدانىلعان ادىستەر: دامىتا وقىتۋ تەحنولوگياسىنىڭ ادىستەرى

ساباق بارىسى:
ءى ۇيىمداستىرۋ پسيحولوگيالىق دايىندىق
قازاق ءتىلىم - ءوز ءتىلىم، انا ءتىلىم،
اباي، مۇحتار سويلەگەن دانا ءتىلىم
قاستەرلەيدى ۇل – قىزىڭ ماڭگى سەنى
بولاشاعىم، باقىتىم، دارا ءتىلىم.
مىنە، بالالار، كەمەڭگەر، عۇلامالارىمىزدىڭ ءتىلى – تۋعان ءتىلىمىز قازاق ءتىلى ساباعىن باستايىق.

ءىى ءۇي تاپسىرماسىن تەكسەرۋ جاتتىعۋدىڭ ورىندالۋى
تىرەك بىلىمدەرىن جەتىلدىرۋ
سىن ەسىم دەگەنىمىز نە؟ ولار قانداي سۇراقتارعا جاۋاپ بەرەدى؟
1. سىن ەسىمدەر قۇرامىنا قاراي قالاي بولىنەدى؟
2. سىن ەسىم قانداي ءسوز تابىمەن بايلانىستى؟

ءىىى جاڭا تاقىرىپتى يگەرتۋ.
تاقتادا بەرىلگەن ەكى باعانداعى سويلەمدەرگە نازار اۋدارايىق.
مارەگە تورى ات ءبىرىنشى كەلدى.
مارەگە تورى الا ات ءبىرىنشى كەلدى.
مەنىڭ انام اجارلى كىسى بولاتىن.
مەنىڭ انام اسا اجارلى كىسى بولاتىن.
باقشادا ۇلكەن قىزاناقتار ءوسىپ تۇر.
باقشادا ۇلكەن – ۇلكەن قىزاناقتار ءوسىپ تۇر.
ەكى باعانداعى سويلەمدەردى وقىپ، قارامەن جازىلعان سىن ەسىمدەردى سالىستىرۋ.
ءبىرىنشى باعاندا ءبىر سوزدەن قۇرالعان.
ەكىنشى باعاندا ەكى سوزدەن قۇرالعان.
وسىدان قانداي قورىتىندى شىعارامىز؟
سىن ەسىمدەر دارا جانە كۇردەلى بولادى.
دارا جانە كۇردەلى سىن ەسىمدەردىڭ وزىنە ءتان بەلگىلەرى بولادى ەكەن.
ءارتۇرلى جاتتىعۋ، تاپسىرمالاردى مۇقيات ورىنداۋ ارقىلى بىلەتىن بولاسىڭدار.

وقۋلىقپەن جۇمىس / اۋىزشا /
«بوكسشىلار» ءماتىنىن وقۋ. «بوكسشى» اتالۋ سەبەبى نەدە؟ بوكس نەنىڭ ءتۇرى؟ قانداي بوكسەرلەردى بىلەسىڭدەر؟
ماتىننەن سىن ەسىمدەردى تاۋىپ، سالىستىرۋ. ەگىز، كومىردەي قارا، جىلتىر، تىقىر ءجۇندى، ادەمى، ۇلكەن، كىشكەنتاي، كورشى.
كۇردەلى سىن ەسىم سوزدەرى جەكە جازىلادى.

سەرگىتۋ ءساتى
3 - جاتتىعۋ ولەڭدى مانەرلەپ وقۋ. قوشقاردى سيپاتتاپ تۇرعان سىن ەسىمدەردى اتا.
كۇردەلى سىن ەسىمدەر نەشە سوزدەن قۇرالعان؟
1 شۋماعىن كوشىرىپ جازۋ. سىن ەسىمنىڭ استىن سىزۋ.

قورىتۋ. كۇردەلى سىن ەسىمدەر بىرنەشە سوزدەر تىركەسىپ تە جاسالادى. ياعني، ءسوز تىركەستەرىنەن جاسالادى.

دەڭگەيلىك تاپسىرمالار.
ءى قاتار
1. بەرىلگەن سىن ەسىمدەردىڭ داراسىن ءبىر بولەك. كۇردەلىسىن ءبىر بولەك جاز. ۇزىن، سارى الا، اقىلدى، قىزىل قوڭىر، اۋىر، قارا الا، جۇمساق، كىشكەنە - كىشكەنە، بيىك، قىزىل سارى، جارىق، جايلى.
2. زات ەسىمدەرگە سايكەس الدىمەن دارا سىن ەسىم، سودان سوڭ كۇردەلى سىن ەسىم تاڭداپ جاز. كويلەك، قاريا، دالا.
3. جانىمدا وتىرعان سىنىپتاسىما سيپاتتاما.
ءىى قاتار
1. بەرىلگەن سىن ەسىمدەردىڭ داراسىن ءبىر بولەك. كۇردەلىسىن ءبىر بولەك جاز. جاقسى، دوڭگەلەك، سارى، جۇمساق، تەرەڭ، اق كۇمىستەي، قارا الا، اق نيەتتى، الاسا، تۇششى، شىنىداي ءمولدىر، مەيىرىمدى، ويلى - قىرلى.
2. زات ەسىمدەرگە سايكەس الدىمەن دارا سىن ەسىم، سودان سوڭ كۇردەلى سىن ەسىم تاڭداپ جاز. الما، تۇيە، قار.
3. مەكتەپكە سيپاتتاما
ءىىى قاتار
1. بەرىلگەن سىن ەسىمدەردىڭ داراسىن ءبىر بولەك. كۇردەلىسىن ءبىر بولەك جاز. ۇزىن، اق مامىقتاي، جۋاس، وتە اششى، تۇنىق، اسا سىيلى، اق بوز، قاتال، شىدامدى، ءبىلىمدى، كوكتەمگى، ادەمى، بيىك.
2. زات ەسىمدەرگە سايكەس الدىمەن دارا سىن ەسىم، سودان سوڭ كۇردەلى سىن ەسىم تاڭداپ جاز. كىتاپ، مەكتەپ، بولمە.
3. قازاقستان ەلىنە سيپاتتاما

سەرگىتۋ ءساتى. «مەن قاندايمىن؟»
ءار وقۋشى ءوزىنىڭ اتىنىڭ ءبىرىنشى ارپىنە سايكەس سىن ەسىم قوسىپ ايتادى.

رەفلەكسيا
«كىم جىلدام؟»

دىبىس تاڭداۋ سول دىبىستان باستالاتىن دارا سىن ەسىمدى تابۋ. كەلەسى وقۋشىلار ءسوز تىركەستىرۋ ارقىلى كۇردەلى سىن ەسىمگە اينالدىرىپ جازادى.
ا اقىلدى - وتە اقىلدى
ق - ءقادىرلى - اسا ءقادىرلى
ت - تازا - تاپ - تازا

قورىتىندى. سونىمەن بۇگىنگى ساباقتا نە بىلدىك؟ نە يگەردىك؟
سىن ەسىمدەردىڭ تۇرلەرى.
قالاي جاسالادى؟ جازىلۋى.
سىن ەسىمدەردى قاشان قولدانۋعا بولادى؟
ادام ءوز ويىن تولىق، تۇسىنىكتى، اسەرلى جەتكىزۋ ءۇشىن سوزدىك قورى مول بولۋى كەرەك. ول ءۇشىن ادەبي كىتاپتاردى كوپ وقۋ كەرەك. سويلەگەندە ءار سوزدە ورىندى ءتيىمدى پايدالانا ءبىلۋ كەرەك.

دارا سىن ەسىمدەر كۇردەلى سىن ەسىمدەر
جاسىل، بيىك،
قالىڭ، تاۋلى،
اششى، كەڭ، تازا
كۇردەلى سىن ەسىمدەردىڭ جاسالۋى
سوزدەردىڭ قوسارلانۋى ارقىلى تۇپ - تۇنىق، قىزىلدى - جاسىلدى، ۇلكەن - ۇلكەن
ءسوز تىركەستەرى ارقىلى قىزىل الا، ورتا بويلى، قالىڭ قاراعايلى، كەڭ پەيىلدى

ءۇي تاپسىرماسى: 1. 130 بەت. 5 - جاتتىعۋ.
2. ەسسە. «مەنىڭ انام» سىن ەسىم تۇرلەرىن قاتىستىرىپ جازۋ.
3. ەرەجەنى جاتتاۋ
باعالاۋ