قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ ۇلكەن قىزى داريعا نازارباەۆا Forbes Kazakhstan جاريالاعان 2026 جىلعى ەڭ باي قازاقستاندىقتار رەيتينگىندە 20-ورىنعا سىرعىپ ءتۇستى. باسىلىم ونىڭ داۋلەتىن 550 ميلليون دوللارعا باعالاعان.
بۇل بىلتىرعى كورسەتكىشتەن تومەن. 2025 جىلى داريعا نازارباەۆا 571 ميلليون دوللار كاپيتالىمەن رەيتينگتىڭ 17-ساتىسىندا تۇرعان ەدى. باسىلىم ونىڭ بايلىعىنىڭ ازايۋ سەبەبىن ناقتى تۇسىندىرمەگەن.
داريعا نازارباەۆا ۇلى نۇرالى اليەۆپەن بىرگە «ەۆروپا پليۋس قازاقستان» راديوحابار تاراتۋشىسىنا يەلىك ەتەدى. وسى كومپانيا ارقىلى ونىڭ نتك تەلەارناسى مەن «راديوسيتي» تەلەراديوكومپانياسىندا ۇلەسى بار. سونىمەن قاتار Forbes مالىمەتىنشە، ول DLS Group حولدينگى ارقىلى «نارۋجنايا رەكلاما-رەگيونى» جانە «تەلەفابريكا „دالا“» كومپانيالارىندا ۇلەسكە يە.
ال ونىڭ ءسىڭلىسى دينارا ق ۇلىباەۆا بيىلعى رەيتينگتە ءۇشىنشى ورىنعا كوتەرىلگەن. ونىڭ بايلىعى 5،4 ميلليارد دوللار دەپ باعالاندى. بىلتىر ول 5،3 ميلليارد دوللارمەن ءتورتىنشى ورىندا بولعان.
دينارا ق ۇلىباەۆا جۇبايى تيمۋر ق ۇلىباەۆپەن بىرگە «المەكس» حولدينگى ارقىلى Halyk Bank اكسيالارىنىڭ 61،99 پايىزىنا باقىلاۋ جاسايدى.
بۇل تۋرالى Infohub.kz اقپارات اگەنتتىگى حابارلايدى.