انگليالىق «چەلسيدىڭ» باس باپكەرى حابي الونسو قازاقستاندىق شابۋىلشى داستان ساتپاەۆتىڭ ويىنىن جوعارى باعالادى. 17 جاستاعى فۋتبولشى لوندوندىق كلۋب ساپىنداعى العاشقى گولىن سوقتى، دەپ حابارلايدى infohub.kz سايتى.
ساتپايەۆ «ۆەستەرن سيدنەي ۋوندەرەرس» كومانداسىنا قارسى جولداستىق كەزدەسۋدە نەگىزگى قۇرامدا الاڭعا شىعىپ، كومانداسىنىڭ 6:4 ەسەبىمەن جەڭىسكە جەتۋىنە ۇلەس قوستى. ماچ سەيسەنبى، 28 شىلدەدە ءوتتى.
«مەن داستاندى وتكەن جىلدان بەرى بىلەمىن، ول كەزدە ول الماتىدا وينايتىن. بۇل — ەرەكشە فۋتبولشى ەكەنى كورىنىپ تۇر. ول قاقپاعا ۇنەمى ءقاۋىپ توندىرەدى، سىزىقتار اراسىندا وتە جاقسى شابۋىلدايدى، سونىڭ ىشىندە شەتتەن ورتالىق شابۋىلشىعا جاقىنداعان كەزدە دە. بۇل — ونىڭ الماتىدان كوشىپ كەلگەننەن كەيىنگى العاشقى تاجىريبەسى. ول كلۋبتاعى العاشقى قادامدارىن ەندى عانا جاساپ جاتىر. ءبىراق ونىڭ وتە كۇشتى جانە جىلدام ويىنشى ەكەنى انىق. ول سىزدەردى ءالى تاڭقالدىرادى»، — دەدى الونسو ءباسپاسوز ءماسليحاتىندا.
وتكەن كۇزدە يسپاندىق مامان ءمادريدتىڭ «رەالىن» باسقارعان كەزدە، سول كەزدە ساتپايەۆ ويناعان «قايراتقا» قارسى چەمپيوندار ليگاسىنىڭ ماچى ءۇشىن الماتىعا كەلگەن ەدى.
قازاقستاندىق ويىنشى «چەلسيگە» بيىلعى جازدا اۋىستى. 12 تامىزدا ول 18 جاسقا تولادى، بۇل وعان لوندوندىقتار ساپىندا رەسمي دەڭگەيدە ونەر كورسەتۋگە مۇمكىندىك بەرەدى.