داۋىسسىز دىبىستاردىڭ تۇرلەرى

اشىق ساباق 4 - سىنىپ
ساباقتىڭ تاقىرىبى: داۋىسسىز دىبىستاردىڭ تۇرلەرى.
ساباقتىڭ ماقساتى: 1. داۋىسسىز دىبىستىڭ جاسالۋ ورنىنا، جاسالۋ جولىنا، جاسالۋ تاسىلىنە، ءۇننىڭ
جانە سالدىردىڭ ىشكى ساپاسىنا، قاتاڭ - ۇياڭ سىڭار تۇزۋىنە، ءار دىبىسقا قاجەتتى
تولىق مىنەزدەمە بەرگىزىپ، ولاردىڭ تابيعاتىن دۇرىس تانىتىپ مەڭگەرتۋ،
2. دىبىستىق مىنەزدەمە جاساۋدى ۇيرەتە وتىرىپ، وقۋشىلاردىڭ وي – ءورىسىن دامىتۋ.
3. شىعارماشىلىق قابىلەتتەرىن شىڭداي وتىرىپ ويلاۋ، تانىم بەلسەندىلىكتەرىن ارتتىرۋ ەستەتيكالىق كوزقاراسقا تاربيەلەۋ.
ساباقتىڭ ءتۇرى: جاڭا ءبىلىمدى مەڭگەرتۋ
ساباقتىڭ ءادىسى: ءتۇسىندىرۋ، تالداۋ، سۇراق - جاۋاپ
ساباقتىڭ كورنەكىلىگى: سىزبالار، سۋرەتتەر ت/ب.

ساباقتىڭ بارىسى: ءى. ۇيىمداستىرۋ كەزەڭى.
وقۋشىلاردىڭ نازارىن ساباققا اۋدارۋ.
پسيحولوگيالىق دايىندىق
«جۇرەكتەن جۇرەككە.» وقۋشىلار ءبىر - بىرىنە جاقسى تىلەكتەر ايتۋ.

ءىى. جاڭا ساباق
1. قاتاڭ داۋىسسىزدار
تەك سالدىردان جاسالعان داۋىسسىز دىبىستاردى قاتاڭ داۋىسسىزدار دەپ اتايمىز.
قاتاڭ داۋىسسىزدارعا مىنالار جاتادى: ك، ق، پ، س، ت، ش
2. ۇياڭ داۋىسسىزدار
ءۇن مەن سالدىردىڭ قاتىسى ارقىلى جاسالعان داۋىسسىز دىبىستاردى ۇياڭ داۋىسسىزدار دەپ اتايمىز. ۇياڭ داۋىسسىزداردا ۇننەن گورى سالدىرى باسىم بولادى.
ۇياڭ داۋىسسىزدارعا مىنا دىبىستار جاتادى: ب، گ، ع، د، ج، ز.
3. ءۇندى داۋىسسىزدار
ءۇن مەن سالدىردىڭ قاتىسىنان جاسالىپ، ءبىراق سالدىردان گورى ءۇن باسىم بولاتىن دىبىستاردى ءۇندى دىبىستار دەپ اتايمىز.
ءۇندى داۋىسسىزدار جۇمساق تاڭدايدىڭ قالپىنا قاراي ەكىگە بولىنەدى:
- اۋىز جولدى: ي، ل، ر، ۋ؛
- مۇرىن جولدى: م، ن، ڭ.

1. ماقالدى ءتۇسىنىپ وقىپ، جاتتاپ الىڭدار. (ماعىناسىن اشۋ)
ءبىلىم الماي «بولدىم» دەمە،
ەڭبەك ەتپەي «تولدىم» دەمە.
2. جۇلدىزشالاردى ءنومىر رەتىمەن قويىپ، ءسوزدى وقىڭدار.
«تولدىم» سوزىندەگى داۋىسسىز دىبىستارعا دىبىستىق مىنەزدەمە بەرىڭدەر.
1. بۇل – داۋىسسىز دىبىس. سەبەبى،.....
2. ءۇن مەن سالدىردىڭ قاتىسىنا قاراي – قاتاڭ داۋىسسىز دىبىس. سەبەبى،....

1. بۇل – داۋىسسىز دىبىس. سەبەبى،.........
2. ءۇن مەن سالدىردىڭ قاتىسىنا قاراي – ۇياڭ داۋىسسىز دىبىس. سەبەبى،.....

1. بۇل – داۋىسسىز دىبىس. سەبەبى،.........
2. ءۇن مەن سالدىردىڭ قاتىسىنا قاراي – ءۇندى داۋسسىز دىبىس. سەبەبى،....
«تەلەفون» ويىنىن ويناۋ (اۋىزشا)
ءىىى. ساباقتى قورىتىندىلاۋ
بىلىمدەرىنە قاراي باعالاۋ، ماداقتاۋ