قازاقستاننىڭ ءبىرقاتار وڭىرىندە 10 تامىزعا داۋىلدى ەسكەرتۋ جاريالاندى. بۇل تۋرالى infohub.kz سايتى حابارلايدى.
سينوپتيكتەردىڭ بولجامىنشا، استانادا كۇندىز اۋا تەمپەراتۋراسى 35 گرادۋسقا دەيىن كوتەرىلەدى. اقتوبە وبلىسىنىڭ باتىسى مەن سولتۇستىگىندە جاڭبىر جاۋىپ، نايزاعاي وينايدى. جەل وڭتۇستىك-باتىستان سولتۇستىك-باتىسقا اۋىسادى، كۇندىز وبلىستىڭ سولتۇستىگىندە جانە ورتالىعىندا ەكپىنى سەكۋندىنا 15-18 مەترگە جەتەدى. اۋا تەمپەراتۋراسى 35-38 گرادۋسقا، ال وبلىستىڭ سولتۇستىگىندە 42 گرادۋسقا دەيىن كوتەرىلەدى. ءورت ءقاۋپى جوعارى جانە توتەنشە دەڭگەيدە ساقتالادى.
ۇلىتاۋ وبلىسىندا دا 35-38 گرادۋسقا دەيىن قاتتى ىستىق بولادى، ءورت ءقاۋپى توتەنشە. قاراعاندى وبلىسىندا جەل سولتۇستىك-شىعىستان، شىعىستان سوعادى، كۇندىز شىعىستا جانە وڭتۇستىكتە ەكپىنى سەكۋندىنا 15-18 مەتر، اۋا تەمپەراتۋراسى 35-38 گرادۋس، شىعىستا جانە وڭتۇستىكتە ءورت ءقاۋپى توتەنشە.
جەتىسۋ وبلىسىنىڭ تاۋلى اۋداندارىندا جاڭبىر، نايزاعاي ويناۋى مۇمكىن. جەل سولتۇستىك-شىعىستان، الاكول كولدەرى ماڭىندا ەكپىنى سەكۋندىنا 15-20، كەيدە 23-28 مەترگە جەتەدى. كۇندىز 35-37 گرادۋسقا دەيىن ىستىق، ءورت ءقاۋپى جوعارى جانە توتەنشە.
الماتى وبلىسىنىڭ وڭتۇستىگىندە جانە تاۋلى اۋداندارىندا قىسقا مەرزىمدى جاڭبىر، نايزاعاي، كەشكە قاراي قاتتى جاڭبىر، بۇرشاق، داۋىل كۇتىلەدى. كۇندىز اۋا تەمپەراتۋراسى 35-38 گرادۋس، باتىستا جانە سولتۇستىكتە ءورت ءقاۋپى توتەنشە. الماتى قالاسىندا قاتتى ىستىق — 35 گرادۋس.
ماڭعىستاۋ وبلىسىندا جەل سولتۇستىك-شىعىستان، سولتۇستىكتەن كۇشەيەدى، كۇندىز باتىستا، وڭتۇستىكتە جانە ورتالىقتا ەكپىنى سەكۋندىنا 15-20 مەتر. باتىستا ءورت ءقاۋپى جوعارى، سولتۇستىك-شىعىستا جانە ورتالىقتا توتەنشە.
باتىس قازاقستان وبلىسىنىڭ باتىسىندا، سولتۇستىگىندە جانە شىعىسىندا جاڭبىر، نايزاعاي، كۇندىز بۇرشاق جانە داۋىل كۇتىلەدى. جەل سولتۇستىكتەن، سولتۇستىك-شىعىستان سوعادى، ەكپىنى سەكۋندىنا 15-20 مەتر. وبلىس بويىنشا ءورت ءقاۋپى توتەنشە.
تۇركىستان وبلىسىنىڭ تاۋلى اۋداندارىندا قىسقا مەرزىمدى جاڭبىر، نايزاعاي، جەل سولتۇستىك-شىعىستان سەكۋندىنا 15-20 مەتر، كۇندىز اۋا تەمپەراتۋراسى 40-41 گرادۋسقا دەيىن كوتەرىلەدى. ءورت ءقاۋپى توتەنشە دەڭگەيدە ساقتالادى.
اتىراۋ وبلىسىنىڭ باتىسىندا، سولتۇستىگىندە جانە شىعىسىندا جاڭبىر، نايزاعاي، بۇرشاق، داۋىل بولادى. جەل باتىستان، سولتۇستىك-باتىستان سوعادى، ەكپىنى سەكۋندىنا 15-20 مەتر، اۋا تەمپەراتۋراسى 36-39 گرادۋس، ءورت ءقاۋپى توتەنشە.
اقمولا وبلىسىندا جەل كۇشەيەدى، كۇندىز باتىستا جانە سولتۇستىكتە ەكپىنى سەكۋندىنا 15-20 مەتر، اۋا تەمپەراتۋراسى 35-38 گرادۋس، باتىستا ءورت ءقاۋپى توتەنشە.
قىزىلوردا وبلىسىندا قاتتى ىستىق — 40-43 گرادۋس، ءورت ءقاۋپى توتەنشە. قوستاناي وبلىسىنىڭ باتىسىندا جانە سولتۇستىگىندە جاڭبىر، نايزاعاي، بۇرشاق، داۋىل، جەل وڭتۇستىك-شىعىستان، ەكپىنى سەكۋندىنا 15-20 مەتر، اۋا تەمپەراتۋراسى 35-37 گرادۋس، ءورت ءقاۋپى جوعارى جانە توتەنشە.
جامبىل وبلىسىنىڭ تاۋلى اۋداندارىندا جاڭبىر، نايزاعاي، جەل سولتۇستىك-شىعىستان سەكۋندىنا 15-20 مەتر، اۋا تەمپەراتۋراسى 38-40 گرادۋس، ءورت ءقاۋپى توتەنشە.
سولتۇستىك قازاقستان وبلىسىنىڭ باتىسىندا جانە سولتۇستىگىندە جاڭبىر، نايزاعاي، بۇرشاق، داۋىل، تۇندە جانە تاڭەرتەڭ تۇمان، كۇندىز شاڭدى داۋىل بولادى. جەل وڭتۇستىك-باتىستان، ەكپىنى سەكۋندىنا 15-20 مەتر، اۋا تەمپەراتۋراسى 35-37 گرادۋس، ءورت ءقاۋپى جوعارى.
پاۆلودار وبلىسىندا تۇندە جانە تاڭەرتەڭ تۇمان، كۇندىز اۋا تەمپەراتۋراسى 35-38 گرادۋس، ءورت ءقاۋپى جوعارى. اباي وبلىسىندا جەل سولتۇستىكتەن، سولتۇستىك-شىعىستان، ەكپىنى سەكۋندىنا 15-20 مەتر، اۋا تەمپەراتۋراسى 35-38 گرادۋس، ءورت ءقاۋپى جوعارى جانە توتەنشە.
شىعىس قازاقستان وبلىسىندا جەل سولتۇستىكتەن، سولتۇستىك-شىعىستان، كۇندىز سولتۇستىكتە ەكپىنى سەكۋندىنا 15-20 مەتر، وڭتۇستىكتە اۋا تەمپەراتۋراسى 35 گرادۋسقا دەيىن، ءورت ءقاۋپى جوعارى جانە توتەنشە.