قازاقستاندىق ارالاس جەكپە-جەك شەبەرى داۋرەن ەرمەكوۆ الماتىدا وتكەن ابسوليۋتتىك فايت چەمپيوناتىنىڭ (ACA) 205 تۋرنيرىندە مەرزىمىنەن بۇرىن جەڭىسكە جەتتى، دەپ حابارلايدى infohub.kz.
ەرمەكوۆ نەگىزگى كاردتا ورتا سالماقتا (84،4 كەلىگە دەيىن) برازيليالىق رەنە پەسسواعا قارسى شىقتى. جەكپە-جەك ءۇش راۋندقا جوسپارلانعان ەدى، ءبىراق مەرزىمىنەن بۇرىن اياقتالدى. ەكىنشى بەس مينۋتتىقتا قازاقستاندىق پارتەردە باسىمدىقپەن تۇنشىقتىرۋ ءادىسىن ءساتتى قولداندى.
38 جاستاعى ەرمەكوۆ ءۇشىن بۇل جەڭىس ACA ليگاسىنداعى ءۇشىنشىسى بولدى. ونىڭ كاسىبي مانسابىندا ءقازىر 18 جەڭىس جانە جەتى جەڭىلىس بار.
37 جاستاعى پەسسوا قاتارىنان ەكىنشى جەڭىلىسكە ۇشىرادى. ونىڭ ەنشىسىندە 26 جەڭىس پەن 13 جەڭىلىس بار.