دۇيسەنبى، 7 قىركۇيەكتە سينوپتيكتەر قازاقستاندا داۋىلدى ەسكەرتۋ جاريالادى: ءبىرقاتار وبلىستا جوعارى جانە توتەنشە ءورت ءقاۋپى كۇتىلۋدە، دەپ حابارلايدى infohub.kz سايتى.
«قازگيدرومەت» رمك مالىمەتىنشە، اقمولا وبلىسىنىڭ باتىسىندا، سولتۇستىگىندە جانە وڭتۇستىگىندە جوعارى ءورت ءقاۋپى ساقتالادى. الماتى وبلىسىنىڭ ورتالىعىندا، باتىسىندا جانە شىعىسىندا — توتەنشە، سولتۇستىگىندە — جوعارى. تۇركىستان وبلىسىنىڭ وڭتۇستىگىندە جانە تاۋلى اۋداندارىندا قىسقا مەرزىمدى جاڭبىر مەن نايزاعاي بولجانادى.
ۇلىتاۋ وبلىسىندا شىعىس، وڭتۇستىك-شىعىس جەلى كۇتىلەدى، كۇندىز باتىستا، سولتۇستىكتە جانە وڭتۇستىكتە ەكپىنى 15–20 م/س. توتەنشە ءورت ءقاۋپى ساقتالادى. قاراعاندى وبلىسىندا جەل سولتۇستىك-شىعىستان وڭتۇستىك-شىعىسقا اۋىسادى، كۇندىز شىعىستا جانە وڭتۇستىكتە ەكپىنى 15–20 م/س. وبلىستىڭ سولتۇستىگىندە جانە ورتالىعىندا جوعارى ءورت ءقاۋپى ساقتالادى.
ماڭعىستاۋ وبلىسىنىڭ باتىسىندا، وڭتۇستىگىندە جانە ورتالىعىندا كۇندىز جاڭبىر مەن نايزاعاي، باتىسىندا قاتتى جاڭبىر، بۇرشاق جانە داۋىل بولجانادى. تۇندە جانە تاڭەرتەڭ وبلىستىڭ باتىسىندا تۇمان تۇسەدى. جەل وڭتۇستىك-شىعىستان سولتۇستىك-باتىسقا اۋىسادى، كۇندىز باتىستا، وڭتۇستىكتە جانە ورتالىقتا 15–20 م/س، ەكپىنى 23 م/س. وبلىس بويىنشا توتەنشە ءورت ءقاۋپى ساقتالادى.
7 قىركۇيەكتە جەتىسۋ وبلىسىنىڭ الاكول كولدەرى اۋدانىندا كۇندىز سولتۇستىك-شىعىس جەلىنىڭ ەكپىنى 15–20 م/س بولادى. 9 قىركۇيەككە دەيىن وبلىستىڭ سولتۇستىگىندە جوعارى ءورت ءقاۋپى، وڭتۇستىگىندە جانە شىعىسىندا توتەنشە ءورت ءقاۋپى ساقتالادى.
اتىراۋ وبلىسىنىڭ باتىسىندا تۇندە جاڭبىر مەن نايزاعاي، كۇندىز باتىستا، سولتۇستىكتە جانە وڭتۇستىكتە جاڭبىر، نايزاعاي، بۇرشاق جانە داۋىل بولجانادى. جەل وڭتۇستىك-باتىستان سولتۇستىك-باتىسقا اۋىسادى، كۇندىز باتىستا، سولتۇستىكتە جانە وڭتۇستىكتە ەكپىنى 15–20 م/س. وبلىس بويىنشا توتەنشە ءورت ءقاۋپى ساقتالادى.
پاۆلودار وبلىسىنىڭ سولتۇستىگىندە جوعارى ءورت ءقاۋپى ساقتالىپ، وڭتۇستىگىندە كۇتىلۋدە. اقتوبە وبلىسىندا جەل وڭتۇستىك، وڭتۇستىك-شىعىس، كۇندىز باتىستا، سولتۇستىكتە جانە شىعىستا ەكپىنى 15–20 م/س. كۇندىز 35 گرادۋسقا دەيىن قاتتى ىستىق بولادى. وبلىستىڭ سولتۇستىك-شىعىسىندا جانە سولتۇستىك-باتىسىندا جوعارى ءورت ءقاۋپى، وبلىس بويىنشا توتەنشە ءورت ءقاۋپى ساقتالادى.
باتىس قازاقستان وبلىسىنىڭ باتىسىندا جانە سولتۇستىگىندە تۇندە جاڭبىر، كەيدە قاتتى، نايزاعاي، كۇندىز جاڭبىر مەن نايزاعاي، باتىستا جانە سولتۇستىكتە قاتتى جاڭبىر، بۇرشاق جانە داۋىل بولجانادى. جەل وڭتۇستىك-باتىستان سولتۇستىك-باتىسقا اۋىسادى، باتىستا، سولتۇستىكتە جانە شىعىستا ەكپىنى 15–20 م/س. توتەنشە ءورت ءقاۋپى ساقتالادى، سولتۇستىكتە جانە وڭتۇستىك-شىعىستا — جوعارى.
جامبىل وبلىسىنىڭ وڭتۇستىك-باتىسىندا، سولتۇستىك-شىعىسىندا جانە تاۋلى اۋداندارىندا سولتۇستىك-شىعىس جەلىنىڭ ەكپىنى 15–20 م/س بولادى. توتەنشە ءورت ءقاۋپى ساقتالادى. اباي وبلىسىنىڭ سولتۇستىك-باتىسىندا جانە وڭتۇستىگىندە جوعارى ءورت ءقاۋپى بولجانادى.
قوستاناي وبلىسىندا كۇندىز جەل وڭتۇستىك-باتىس، باتىستا جانە سولتۇستىكتە 15–20 م/س. وبلىستىڭ سولتۇستىك-باتىسىندا جوعارى ءورت ءقاۋپى، وڭتۇستىگىندە، وڭتۇستىك-شىعىسىندا جانە ورتالىعىندا توتەنشە ءورت ءقاۋپى ساقتالادى. قىزىلوردا وبلىسىنىڭ ورتالىعىندا جانە سولتۇستىگىندە كۇندىز شاڭدى داۋىل بولادى. جەل سولتۇستىك-شىعىس، شىعىس، كۇندىز ورتالىقتا جانە سولتۇستىكتە 15–20 م/س. وبلىس بويىنشا توتەنشە ءورت ءقاۋپى ساقتالادى.
شىعىس قازاقستان وبلىسىنىڭ وڭتۇستىك-شىعىسىندا جوعارى ءورت ءقاۋپى كۇتىلەدى. سولتۇستىك قازاقستان وبلىسىندا جەل وڭتۇستىك-باتىس، كۇندىز باتىستا ەكپىنى 15–20 م/س. وبلىستىڭ وڭتۇستىگىندە جانە شىعىسىندا جوعارى ءورت ءقاۋپى ساقتالادى.