سينوپتيكتەر قازاقستاننىڭ ءبىرقاتار وبلىسىندا اياز، تۇمان جانە جاۋىن-شاشىنعا بايلانىستى داۋىلدى ەسكەرتۋ جاريالادى، دەپ حابارلايدى infohub.kz سايتى.
«قازگيدرومەت» رمك مالىمەتىنشە، 3 قىركۇيەكتە قىزىلوردا وبلىسىنىڭ وڭتۇستىگى مەن ورتالىعىندا شاڭدى داۋىل كۇتىلەدى. جەل سولتۇستىك-شىعىستان سوعادى، كۇندىز ەكپىنى سەكۋندىنا 15-20 مەترگە جەتەدى. ايماقتا ءورت ءقاۋپى توتەنشە دەڭگەيدە ساقتالادى.
اباي وبلىسىندا تۇندە جانە تاڭەرتەڭ سولتۇستىك پەن ورتالىقتا تۇمان كۇتىلەدى. جەل وڭتۇستىك-شىعىستان سولتۇستىك-شىعىسقا اۋىسادى، تاڭەرتەڭ جانە كۇندىز وبلىستىڭ وڭتۇستىك-باتىسىندا ەكپىنى سەكۋندىنا 15-20 مەترگە جەتەدى. تۇندە باتىس پەن شىعىستا اياز 3 گرادۋسقا دەيىن بولجانۋدا.
شىعىس قازاقستان وبلىسىندا تۇمان كۇتىلەدى، ال تۇندە سولتۇستىكتە، شىعىستا جانە تاۋلى اۋدانداردا اياز 5 گرادۋسقا دەيىن جەتەدى.
سولتۇستىك قازاقستان وبلىسىندا تۇندە باتىس پەن وڭتۇستىكتە جاڭبىر جاۋىپ، نايزاعاي ويناۋى مۇمكىن. تۇندە جانە تاڭەرتەڭ باتىستا تۇمان بولادى. جەل وڭتۇستىك-باتىستان سوعادى، باتىس پەن وڭتۇستىكتە ەكپىنى سەكۋندىنا 15-20 مەترگە جەتەدى. سولتۇستىك پەن شىعىستا تۇندە جەر بەتىندە اياز 2 گرادۋسقا دەيىن بولجانۋدا.
پاۆلودار وبلىسىندا تۇندە جانە تاڭەرتەڭ وڭتۇستىكتە، شىعىستا جانە ورتالىقتا تۇمان، تۇندە وڭتۇستىكتە اياز 1 گرادۋسقا دەيىن بولجانادى.
قوستاناي وبلىسىندا ەرتەڭ باتىستا، شىعىستا جانە وڭتۇستىكتە جاڭبىر جاۋادى، كۇندىز نايزاعاي مەن بۇرشاق ءتۇسۋى مۇمكىن. تۇندە جانە تاڭەرتەڭ باتىس پەن سولتۇستىكتە تۇمان بولادى. سولتۇستىك-باتىستا ءورت ءقاۋپى جوعارى، ال وڭتۇستىكتە، وڭتۇستىك-شىعىستا جانە ورتالىقتا توتەنشە دەڭگەيدە ساقتالادى.
اقتوبە وبلىسىندا سولتۇستىك-شىعىستا ءورت ءقاۋپى جوعارى، وبلىس بويىنشا توتەنشە دەڭگەيدە ساقتالادى. ماڭعىستاۋ وبلىسىندا 3 قىركۇيەكتە باتىس پەن سولتۇستىكتە توتەنشە، ورتالىقتا جوعارى ءورت ءقاۋپى ساقتالادى.
باتىس قازاقستان وبلىسىندا توتەنشە ءورت ءقاۋپى، سولتۇستىك-باتىستا جوعارى دەڭگەي ساقتالادى.
الماتى وبلىسىندا كۇندىز وڭتۇستىكتە جاڭبىر مەن نايزاعاي، تاۋلى اۋدانداردا قىسقا مەرزىمدى جاڭبىر جانە نايزاعاي كۇتىلەدى. تۇندە جانە تاڭەرتەڭ تاۋدا تۇمان بولادى. جەل سولتۇستىك-شىعىستان وڭتۇستىك-باتىسقا اۋىسادى، كۇندىز تاۋلى اۋدانداردا ەكپىنى سەكۋندىنا 15-20 مەترگە جەتەدى. ورتالىقتا، باتىستا جانە شىعىستا توتەنشە ءورت ءقاۋپى ساقتالادى.
اتىراۋ وبلىسىندا ەرتەڭ دە توتەنشە ءورت ءقاۋپى ساقتالادى.
اقمولا وبلىسىندا باتىستا، وڭتۇستىكتە جانە ورتالىقتا نايزاعايمەن جاڭبىر كۇتىلەدى. تۇندە جانە تاڭەرتەڭ باتىستا، سولتۇستىكتە جانە شىعىستا تۇمان بولادى. تۇندە شىعىستا جەر بەتىندە اياز 2 گرادۋسقا دەيىن بولجانۋدا.
جەتىسۋ وبلىسىنىڭ تاۋلى اۋداندارىندا جاڭبىر مەن نايزاعاي، تۇندە جانە تاڭەرتەڭ تۇمان كۇتىلەدى. جەل سولتۇستىك-شىعىستان سوعادى، شىعىستا جانە تاۋدا ەكپىنى سەكۋندىنا 15-20 مەترگە، الاكول كولدەرى اۋدانىندا كەيدە سەكۋندىنا 23-28 مەترگە جەتەدى. وبلىستىڭ سولتۇستىگىندە ءورت ءقاۋپى جوعارى، وڭتۇستىك پەن شىعىستا توتەنشە دەڭگەيدە ساقتالادى.
قاراعاندى وبلىسىندا تۇندە جانە تاڭەرتەڭ باتىس پەن سولتۇستىكتە تۇمان بولادى. جەل سولتۇستىك-شىعىستان سوعادى، وڭتۇستىك-شىعىستا ەكپىنى سەكۋندىنا 15 مەترگە دەيىن جەتەدى. تۇندە شىعىستا اياز 2 گرادۋسقا دەيىن بولجانۋدا. ورتالىقتا جوعارى ءورت ءقاۋپى ساقتالادى.
ۇلىتاۋ وبلىسىندا توتەنشە ءورت ءقاۋپى ساقتالادى.