15 قىركۇيەككە دەيىن قازاقستاندىقتار 270-نىسان بويىنشا دەكلاراسيا تاپسىرۋى قاجەت، وندا اكسيالاردان تۇسكەن تابىس، كريپتوۆاليۋتا جانە شەتەلدەگى م ۇلىك كورسەتىلۋى ءتيىس. دەكلاراسيا قورىتىندىسى بويىنشا سالىق پايدا بولسا، ونى 25 قىركۇيەككە دەيىن تولەۋ كەرەك، دەپ حابارلايدى infohub.kz سايتى.
2026 جىلى 2025 جىلعى تابىس پەن م ۇلىك تۋرالى دەكلاراسيانى بارلىق ازامات ەمەس، تەك بەلگىلى ءبىر ساناتتار تاپسىرۋعا مىندەتتى. ولارعا مەملەكەتتىك قىزمەتشىلەر، زاڭدى تۇلعالاردىڭ باسشىلارى مەن قۇرىلتايشىلارى، بانكتەردىڭ، ساقتاندىرۋ ۇيىمدارىنىڭ جانە ينۆەستيسيالىق پورتفەلدى باسقاراتىن ءىرى قاتىسۋشىلارى، سونداي-اق ولاردىڭ جۇبايلارى جاتادى. سونىمەن قاتار، جەكە پراكتيكامەن اينالىساتىن ادامدار (مىسالى، نوتاريۋستار)، شەتەلدە م ۇلىگى نەمەسە سيفرلىق اكتيۆتەرى بارلار، شەتەلدىك بانكتەردە قالدىعى 1000 اەك-تەن (2025 جىلعى قورىتىندى بويىنشا 3 932 000 تەڭگە) اساتىن شوتتارى بارلار دەكلاراسيا تاپسىرۋى ءتيىس. سونداي-اق تىزىمگە 2025 جىلى قۇنى 20 000 اەك-تەن (78 640 000 تەڭگە) اساتىن م ۇلىك ساتىپ العاندار، كاسىپكەرلىك تابىستان باسقا، ءوز بەتىنشە دەكلاراسيالاۋعا جاتاتىن تابىس (سونىڭ ىشىندە باعالى قاعازداردان تۇسكەن تابىس) العاندار، سونداي-اق باسقا شەگەرىمدەردىڭ الدىن الا سوماسى تۇرىندە سالىق شەگەرىمدەرىن قولدانۋ تۋرالى ءوتىنىش بەرگەندەر كىرەدى.
الماتى قالاسى مەملەكەتتىك كىرىستەر دەپارتامەنتى دەكلاراسيانى 2026 جىلدىڭ 15 قىركۇيەگىنە دەيىن تاپسىرۋ قاجەتتىگىن ەسكە سالدى. وندا شەتەلدەگى جىلجىمايتىن م ۇلىك، كولىك، باعالى قاعازدار مەن شەتەلدىك كومپانيالارداعى ۇلەستەر، 2025 جىلى 20 000 اەك-تەن (78 640 000 تەڭگە) اساتىن سوماعا جاسالعان ساتىپ الۋلار، جيىنتىق قالدىعى 1000 اەك-تەن (3 932 000 تەڭگە) اساتىن شەتەلدىك بانك شوتتارىنداعى اقشا، كريپتوۆاليۋتا جانە باسقا دا سيفرلىق اكتيۆتەر، سونداي-اق جەكە تابىس سالىعىمەن (جتس) ءوز بەتىنشە سالىق سالىنۋعا ءتيىس تابىستار، مىسالى، جالداۋدان، م ۇلىكتى ساتۋدان نەمەسە شەتەلدەن الىنعان تابىستار كورسەتىلۋى كەرەك.
قازاقستاندا تىركەلگەن پاتەرلەردى، ۇيلەردى جانە اۆتوكولىكتەردى دەكلاراسيالاۋدىڭ قاجەتى جوق ەكەنىن اتاپ وتكەن ءجون — بۇل مالىمەتتەر مكد-عا مەملەكەتتىك دەرەكقورلاردان اۆتوماتتى تۇردە تۇسەدى.
دەكلاراسيا تاپسىرۋ مەرزىمىن وتكىزىپ العانى ءۇشىن اكىمشىلىك جاۋاپكەرشىلىك قاراستىرىلعان. دەكلاراسيا تاپسىرماعانى ءۇشىن ەسكەرتۋ، سودان كەيىن 15 اەك (2026 جىلى 64 875 تەڭگە) مولشەرىندە ايىپپۇل سالىنادى. تولىق ەمەس نەمەسە دايەكسىز مالىمەتتەر بەرگەنى ءۇشىن — ەسكەرتۋ جانە 3 اەك (12 975 تەڭگە) ايىپپۇل. شەتەلدەگى اكتيۆتەر مەن تابىستاردى جاسىرعانى ءۇشىن ايىپپۇل 100 اەك-كە (432 500 تەڭگەگە دەيىن) جەتۋى مۇمكىن.
دەكلاراسيا تاپسىرعاننان كەيىن جەكە تابىس سالىعى پايدا بولۋى مۇمكىن، ونى 25 قىركۇيەككە دەيىن تولەۋ قاجەت. شەتەلدەگى اكتيۆتەر مەن تابىستاردى جاسىرۋعا بولمايدى: قازاقستان ازاماتتاردىڭ شەتەلدەگى شوتتارى مەن اكتيۆتەرمەن جاسالاتىن وپەراسيالار تۋرالى اقپاراتتى ونداعان ەلدەردەن الادى. ەسكە سالايىق، جاقىندا قازاقستاندا دەكلاراسيا تاپسىرۋ پروسەسىن اۆتوماتتاندىرۋ جوسپارلانىپ جاتقانى بەلگىلى بولدى.