قازاقستان دەنساۋلىق ساقتاۋ مينيسترلىگى ەكى ايدان ۇزاق ۋاقىت ەڭبەككە جارامسىزدىققا اكەلەتىن اۋرۋلاردىڭ تىزبەسىن ناقتىلايتىن بۇيرىق جوباسىن قوعامدىق تالقىلاۋعا شىعاردى، دەپ حابارلايدى infohub.kz سايتى.
قۇجات «اشىق نقا» پورتالىندا جاريالاندى. ءسوز «قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 28 جەلتوقسانداعى № 1033 بۇيرىعىنا وزگەرىستەر ەنگىزۋ تۋرالى» بۇيرىق جوباسى جونىندە بولىپ وتىر. اتالعان بۇيرىق «ۋاقىتشا ەڭبەككە جارامسىزدىق مەرزىمى ەكى ايدان اساتىن اۋرۋلاردىڭ تىزبەسىن بەكىتۋ تۋرالى» ەدى.
ۆەدومستۆو تۇسىندىرگەندەي، وزگەرىستەر قۇجاتتاعى اۋرۋلاردىڭ بۇكىل ەل بويىنشا ءبىر ماعىنالى ءارى بىركەلكى انىقتالۋىن قامتاماسىز ەتۋگە باعىتتالعان. «وزگەرىستەر قۇجاتتاعى اۋرۋلاردىڭ بۇكىل ەل بويىنشا ءبىر ماعىنالى ءارى بىركەلكى انىقتالۋىن قامتاماسىز ەتۋگە باعىتتالعان. ءتيىستى تۇزەتۋلەر قولدانىستاعى اۋرۋلار تىزبەسىنە وزگەرىستەر ەنگىزۋ تۋرالى بۇيرىق جوباسىندا كوزدەلگەن»، — دەلىنگەن نورماتيۆتىك قۇقىقتىق اكتىگە بەرىلگەن تۇسىندىرمەدە.
اۋرۋلاردىڭ اتاۋلارىن حالىقارالىق اۋرۋلار كلاسسيفيكاسياسىنىڭ (حاك) ءتيىستى كودتارىمەن تولىقتىرۋ ۇسىنىلىپ وتىر. «بۇل اۋرۋدى دالىرەك انىقتاۋعا جانە تىزبەنى ءىس جۇزىندە قولدانۋ كەزىندە ءارتۇرلى تۇسىندىرۋلەرگە جول بەرمەۋگە مۇمكىندىك بەرەدى. وسىلايشا، وزگەرىستەر ناقتىلاۋشى سيپاتتا جانە قولدانىستاعى رەتتەۋدى جەتىلدىرۋگە، اۋرۋلار تىزبەسىمەن جۇمىس ىستەۋدە ءبىرىڭعاي تاسىلدەردى قالىپتاستىرۋعا باعىتتالعان»، — دەپ ناقتىلادى دەنساۋلىق ساقتاۋ مينيسترلىگىندە.
جوبا 5 قازانعا دەيىن قوعامدىق تالقىلاۋعا شىعارىلدى.