قازاقستاندىقتاردىڭ جالپى دەپوزيت كولەمى 30 ترلن تەڭگەدەن اسىپ، ءوسىپ كەلەدى. بۇل رەتتە شەتەل ۆاليۋتاسىنداعى جيناقتاردىڭ ۇلەسى ازايدى. ەل تۇرعىندارى قانشا قارجى جيناعانىن NUR.KZ ماتەريالىنان وقىڭىز... دەپ حابارلايدى infohub.kz سايتى.
ماۋسىم ايىندا قازاقستان حالقىنىڭ بانكتىك سالىمدارى العاش رەت 30 ترلن تەڭگەدەن استى. شىلدەدە بۇل سوما وسە ءتۇستى. ۇلتتىق بانكتىڭ دەرەكتەرىنە سايكەس، ءقازىر ول 30،4 ترلن تەڭگەنى قۇرايدى. ءبىر ايدا ءوسىم – 1،3%.
سونىمەن قاتار، قازاقستاندىقتار تەڭگەمەن 24،5 ترلن ساقتايدى (+2%)، ال شەتەل ۆاليۋتاسىندا – تەڭگەگە شاققاندا 5،9 ترلن. "دوللارلىق" ۇلەس ماۋسىممەن سالىستىرعاندا 1،7%-عا تومەندەدى.
جيناقتاردىڭ باسىم بولىگى مەرزىمدى جانە مەرزىمسىز سالىمداردا ساقتالادى: ۇلتتىق ۆاليۋتادا 19،4 ترلن تەڭگە، ال شەتەل ۆاليۋتاسىندا 4،7 ترلن تەڭگە. جيناق شوتتارىندا – تيىسىنشە 2،6 ترلن جانە 27،4 ملرد تەڭگە.
بانكتەردىڭ جەكە تۇلعالاردىڭ تەڭگەدەگى دەپوزيتتەرى بويىنشا سىياقى مولشەرلەمەلەرىنە كەلسەك، ۇلتتىق بانك مالىمەتىنشە، ءبىر ايدا ەشقانداي وزگەرىس بولعان جوق – ورتاشا نارىقتىق سىياقى پايىزى ءالى دە 14،7% قۇرايدى. شەتەل ۆاليۋتاسىندا – 0،9%.
بۇعان دەيىن قازاقستاندىقتاردىڭ بارلىق دەپوزيتتەرىنىڭ جارتىسىنا جۋىعى قالدىعى 15 ملن تەڭگەگە دەيىنگى شوتتارعا تيەسىلى ەكەنىن جازعانبىز.