ديدە دەشام 2026 جىلعى الەم چەمپيوناتىنان كەيىن فرانسيا قۇراماسىنىڭ باس باپكەرى قىزمەتىنەن كەتەتىن بولدى. بۇل تۋرالى فرانسيا فۋتبول فەدەراسياسى X الەۋمەتتىك جەلىسىندە مالىمدەدى، دەپ حابارلايدى infohub.kz.
دەشام بىرنەشە كۇن ىشىندە قىزمەتىنەن رەسمي تۇردە كەتەتىنى حابارلاندى.
"كەيبىر مانساپتار بۇكىل ەلدىڭ تاريحىندا ماڭگى قالادى. دەشامنىڭ ۇلەسى 185 ماچ پەن 120 جەڭىستەن الدەقايدا كوپ. دەشام كومانداعا جەڭىسكە ۇمتىلۋ مەن جاۋاپكەرشىلىك مادەنيەتىن ءسىڭىردى، بۇل بولاشاق ۇرپاقتارعا باعىت بولادى. ول قۇرامانىڭ كوپتەگەن ويىنشىلارىنىڭ اشىلۋىنا كومەكتەستى، فۋتبولشىلاردىڭ ءارتۇرلى بۋىندارىن ورتاق قۇندىلىقتار توڭىرەگىندە بىرىكتىرە الدى جانە ۇلتتىق كوماندا مەن فرانسۋز حالقى اراسىنداعى ەرەكشە بايلانىستى نىعايتتى"، — دەلىنگەن فەدەراسيا حابارلاماسىندا.
فرانسيا فۋتبول فەدەراسياسى ديدە دەشامعا جىلدار بويعى ەڭبەگى ءۇشىن العىس ءبىلدىردى.
ايتا كەتەيىك، انگليا قۇراماسى فرانسيانى 6:4 ەسەبىمەن جەڭىپ، 2026 جىلعى الەم چەمپيوناتىنىڭ قولا جۇلدەگەرى اتاندى.
بۇعان دەيىن كەيبىر ب ا ق زينەدين زيداننىڭ 2026 جىلعى الەم چەمپيوناتىنان كەيىن دەشامنىڭ ورنىنا فرانسيا قۇراماسىنىڭ باس باپكەرى بولا الاتىنىن حابارلاعان. ونىڭ حابي الونسونىڭ ورنىنا مادريدتىك «رەالدى» باسقارۋدان باس تارتۋى دا الداعى تاعايىنداۋمەن بايلانىستىرىلدى.
سونداي-اق جاقىندا بەدەلدى سپورت ءجۋرناليسى فابريسيو رومانو فرانسيا قۇراماسىنىڭ مۋنديال جارتىلاي فينالىنداعى ساتسىزدىگىنەن كەيىن باس باپكەر ورنىن اڭىزعا اينالعان زينەدين زيدان باساتىنىن حابارلادى.