كاتونقاراعايداعى كونسەرتتەن كەيىن قازاقستاندىق تانىمال ءانشى ديماش قۇدايبەرگەن ايتىس جانرىنىڭ كورنەكتى قايراتكەرى ءجۇرسىن ەرمانعا ارنايى بارىپ، ونىمەن امانداسىپ، دەنساۋلىعىن سۇراپ، ۇلكەنگە دەگەن قۇرمەتىن كورسەتكەن، دەپ حابارلايدى infohub.kz سايتى.
بۇل كەزدەسۋ تۋرالى Instagram-دا اقىن-ايتىسكەر نۇرلان ەسەنقۇلوۆ ايتىپ بەردى. ونىڭ سوزىنشە، ور التاي جەرىندە ديماشپەن كەزدەسۋ بۇيىرىپتى، وعان ارناپ شىعارعان ولەڭىن وقىپ بەرگەن. «ور التايدىڭ باسىندا باۋىرىم ديماشپەن كەزدەسۋ بۇيىرىپتى. جاقىنداعى ايتىستا مەن وعان جاقسى ءسوز ايتتىم»، – دەپ جازدى اقىن. كەزدەسۋ كەزىندە نۇرلان ەسەنقۇلوۆ انشىگە ارنالعان تۋعان ولكەنى، ونەردى جانە ديماشتىڭ حالىق الدىنداعى ەڭبەگىن دارىپتەيتىن شۋماقتى ورىنداعان.
جەلى قولدانۋشىلارى ديماشتىڭ كونسەرتتەن كەيىنگى شارشاعانىنا قاراماستان، ءجۇرسىن ەرماندى كورۋگە ۋاقىت تاۋىپ، تاربيەلىلىك تانىتقانىن جوعارى باعالادى. الايدا پىكىر بىلدىرۋشىلەردىڭ ءبىر بولىگى ءجۇرسىن ەرماننىڭ ءوزىن سىنعا الدى، ويتكەنى ول جىلىلىق تانىتپاي، ءتىپتى باتاسىن دا بەرمەگەن. «كەۋىپ وتىرىپ شىلىم شەكپەسە، ءبىر جىلى ءسوز ايتار ەدى»، «مۇندا ءجۇرسىن اعا تاكاپپار، قارا جۇرەكتى ادام بولىپ كورىنەدى»، «ءجۇرسىن ەرمان بايقاماعانداي كەۋىپ وتىر»، «جۇكەگە نە بولدى؟ باتا بەرۋدى ۇمىتىپ پا؟»، «ءبىر جىلى ءسوز ايتا المادى»، «"الىستان التى جاسار بالا كەلسە، الپىستاعى شال سالەم بەرۋى كەرەك" دەگەن ماقال بۇل جەردە ورىندالمادى»، «شىلىم شەگۋدى بىلەدى، ال باتا بەرە المايدى؟»، «ءجۇرسىن اعانىڭ ارەكەتى جاعىمسىز. ديماشقا بىرنەشە جىلى ءسوزدى اياپ قالدى، بىلمەيمىن، قالامادى ما، الدە قولىنان كەلمەدى مە. تاكاپپارلانىپ شىلىم شەگىپ وتىر»، – دەپ جازدى قولدانۋشىلار.