قازاقستاندىق ءارتىس ديماش قۇدايبەرگەن تۇرىك تىلىندەگى اۆتورلىق ءانىن جاقىندا شىعارعان بولاتىن. ەندى ول جانكۇيەرلەرىنە تاعى ءبىر رومانتيكالىق كومپوزيسيانى ۇسىندى، دەپ حابارلايدى infohub.kz سايتى.
ءانىنىڭ مۋزىكاسىن ديماش جازعان، ال ونى جاس ءارتىس نۇرتاس سادىربايەۆ ورىندادى. ءسوزىن جاراسقان نۇرباي جازعان. كومپوزيسيا «سەزىم» دەپ اتالادى. ديماشتىڭ ايتۋىنشا، ەرتەڭ-اق جانكۇيەرلەر ءاندى ونىڭ YouTube-ارناسىنان تىڭداي الادى. الەۋمەتتىك جەلىلەردە پايدا بولعان ۆيدەودا نۇرتاستىڭ ءاندى ورىنداپ جاتقانى، ال ديماشتىڭ رويالدا وتىرىپ، وعان شەبەر سۇيەمەلدەپ جاتقانى كورىنەدى.
بۇل جاريالانىمعا ديماشتىڭ اكەسى دە جاۋاپ بەردى. «وتە ادەمى ءان، شابىتىڭ تاۋسىلماسىن»، — دەپ اتاپ ءوتتى ول. جانكۇيەرلەر دە بەيجاي قالمادى: «قانداي مۋزىكا، قانداي ءان. جانىڭ قانداي ادەمى شىعادى، ديماش! سەن — ارمانداعى پروديۋسەرسىڭ! نۇرتاس ادەمى ايتتى، وتە نازىك»، «سۇيىكتى ديماش رويالدا، ءارى اۆتورلىق كومپوزيسياسىمەن — بۇل ءارقاشان تاعدىردىڭ سىيى»، «قانداي ءان، جىلاپ جىبەردىم»، — دەپ جازدى ولار.