قازاقستاننىڭ حالىق ءارتىسى، الەمگە ايگىلى ءانشى ديماش قۇدايبەرگەن اۋقىمدى رەسپۋبليكالىق «وقىرمان ۇلت» مارافونىنا قاتىستى. بۇل تۋرالى infohub.kz سايتى حابارلايدى.
ءانشى ءوز شەشىمىن Instagram پاراقشاسىندا جاريالادى. ول پرەزيدەنتتىڭ باستاماسىمەن، مادەنيەت جانە اقپارات مينيسترلىگىنىڭ قولداۋىمەن باستالعان مارافونعا ارنايى كونكۋرستان تىس Parasat ساناتى بويىنشا قاتىسادى.
جاقىندا ديماش بەلگىلى قازاقستاندىق سۋرەتشى ءارى يادرولىق قارۋعا قارسى قوزعالىس بەلسەندىسى كارىپبەك كۇيىكوۆتىڭ «قولسىز ءومىر» اتتى اۆتوبيوگرافيالىق كىتابىن وقىدى. ءانشىنىڭ ايتۋىنشا، بۇل — جاي عانا ءومىربايان ەمەس، وكىنىشكە قاراي، قولسىز تۋىلعان، ءبىراق بۇل جاعدايعا ءومىرىنىڭ شەگىن انىقتاۋعا جول بەرمەگەن ادامنىڭ تاريحى.
ديماش ءۇشىن كىتاپ اۆتورى ناعىز سۋپەرقاھارمانعا اينالدى. «قاراعاندىداعى كونسەرت الدىندا كارىپبەك اعامەن جەكە كەزدەسۋگە مۇمكىندىك الدىم. ونىڭ ءومىر جولى، سىناقتارعا توزىمدىلىگى مەن رۋحىنىڭ كۇشى ماعان ەرەكشە اسەر ەتتى»، — دەدى ول.
ديماش رەسپۋبليكالىق «وقىرمان ۇلت» مارافونى جاڭا كىتاپتاردى وقۋعا تۇرتكى بولىپ، وقىعاندارى تۋرالى بىر-بىرىمەن اسەر بولىسۋگە مۇمكىندىك بەرەتىنىنە سەنىم ءبىلدىردى.