«ءدىنتانۋ» – قاجەتتىلىكتەن تۋىنداعان ماماندىق
قازاقستانداعى ءبىلىم بەرۋ سالاسىندا تاۋەلسىزدىكتەن كەيىن قارقىن العان ۇردىستەردىڭ ءبىرى ءدىنتانۋ ماماندارىن دايارلاۋ بولىپ تابىلادى. ەلىمىزدەگى ءدىنتانۋ ماماندارى باكالاۆريات، ماگيستراتۋرا جانە دوكتورانتۋرا دەڭگەيلەرىندە دايارلانادى.

ءدىنتانۋلىق ءبىلىم تاريحى 1992 جىلى العاش رەت ق. ا. ياسساۋي اتىنداعى حالىقارالىق قازاق - تۇرىك ۋنيۆەرسيتەتىندە «ءدىن جانە ەركىن ويلاۋ» ماماندىعىنىڭ اشىلۋىنان باستاۋ الادى. ءقازىر ءدىنتانۋ باكالاۆرلارىن ەلىمىزدەگى ل. ن گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ ءدىنتانۋ كافەدراسى، ءال - فارابي اتىنداعى قازاق ۇلتتىق ۋنيۆەرسيتەتىنىڭ فيلوسوفيا عىلىمدارى جانە ءدىنتانۋ كافەدراسى، ە. ا. بۋكەتوۆ اتىنداعى قاراعاندى مەملەكەتتىك ۋنيۆەرسيتەتىنىڭ فيلوسوفيا جانە مادەنيەت تەورياسى كافەدراسى، «نۇر - مۇباراك» مىسىر يسلام مادەنيەتى ۋنيۆەرسيتەتىنىڭ ءدىنتانۋ كافەدراسى، ق. ا. ياساۋي اتىنداعى حالىقارالىق قازاق - تۇرىك ۋنيۆەرسيتەتىنىڭ ءدىنتانۋ جانە تەولوگيا كافەدراسى، شەت تىلدەر جانە ىسكەرلىك كارەرا ۋنيۆەرسيتەتىنىڭ ءدىنتانۋ فاكۋلتەتى دايارلايدى.

ءدىنتانۋ – ادامزات تاريحىنىڭ بارلىق كەزەڭدەرىن قامتيتىن جانە قوعامنىڭ بارلىق سالالارىنا ۇلكەن ىقپال ەتەتىن مادەنيەتتىڭ كۇردەلى سالالارىنىڭ ءبىرىن زەرتتەيتىن عىلىمي تانىم جۇيەسى. ول تەك ءبىر عانا دىنمەن شەكتەلىپ قانا قويماي، بۇكىل دىندەردىڭ ءىلىمىن، ءدىني جازبا ەسكەرتكىشتەرىن، ءدىني ۇيىمداردى دا جان جاقتى قاراستىرادى. قازىرگى كەزدەگى قوعامداعى ۋشىققان ءدىني احۋالدى جاقسارتۋدا، ءارتۇرلى كونفەسسيا وكىلدەرىنە تولەرانتتى قارىم - قاتىناس مادەنيەتىن قالىپتاستىرۋدا ءدىنتانۋلىق ءبىلىمدى جەتىلدىرۋ وتە ماڭىزدى. ءدىنتانۋ عىلىمىندا ادامنىڭ ءدىني ءومىرى باستى نازارعا يە بولعاندىقتان، بۇل عىلىم سالاسى ادامدى تەك رۋحاني، مورالدىق قۇندىلىقتارعا تاربيەلەيدى. ءدىنتانۋ ءپانى – تاريحتىڭ سان عاسىرلىق مۇراسىندا جيناقتالعان ءدىني تاجىريبە، ءدىني مادەنيەت ەسكەرتكىشتەرى، ينتەللەكتۋالدى جانە رۋحاني مۇرالار بولىپ تابىلادى. ءدىنتانۋ ماماندىعى كۇردەلىلىگى جاعىنان جاراتىلىستانۋ عىلىمدارىنان كەم تۇسپەيتىن گۋمانيتارلى عىلىمداردىڭ ەرەكشە ءتۇرى. بۇل ەلىمىزدەگى ەڭ جاس ماماندىقتاردىڭ ءبىرى. ءدىن ماسەلەسى قاي كەزەڭدە دە بولماسىن وزەكتى تاقىرىپتاردىڭ ءبىرى بولىپ تابىلاتىندىقتان، ءدىنتانۋ ۇنەمى سۇرانىسقا يە ماماندىقتاردىڭ ءبىرى.

جاناتوۆ ارحات
ءال - فارابي اتىنداعى قازاق ۇلتتىق ۋنيۆەرسيتەتى،
فيلوسوفيا جانە ساياساتتانۋ فاكۋلتەتى،
ءدىنتانۋ ماماندىعىنىڭ 4 كۋرس ستۋدەنتى