قازاقستاندىق ارالاس جەكپە-جەك (مما) فايتەرى ديار نۇرعوجاي UFC Fight Night تۋرنيرىندە مەرزىمىنەن بۇرىن جەڭىسكە جەتىپ، ارنايى بونۋسقا يە بولدى، دەپ حابارلايدى infohub.kz سايتى.
29 جاستاعى سپورتشى لاس-ۆەگاستاعى شوۋدىڭ الدىن الا كاردىندا ونەر كورسەتتى. ول ءبىرىنشى راۋند اياقتالۋعا ءبىر سەكۋند قالعاندا برازيليالىق برۋنو لوپەستى جارتىلاي اۋىر سالماقتا (93 كەلىگە دەيىن) نوكاۋتقا جىبەردى.
مەرزىمىنەن بۇرىن جەڭىس نۇرعوجايعا 25 مىڭ دوللار (اعىمداعى باعام بويىنشا شامامەن 11،5 ملن تەڭگە) كولەمىندە ارنايى بونۋس اكەلدى.
100 مىڭ دوللاردان ۇلعايتىلعان سىياقىلار ءتورت سپورتشىعا بۇيىردى. برازيليالىق كارلوس ديەگو فەررەيرا مەن امەريكالىق بيللي كۋارانتيللو «كەشتىڭ جەكپە-جەگى» اتالىمىنىڭ لاۋرەاتتارى اتاندى. ولاردىڭ جەڭىل سالماقتاعى (70،3 كەلىگە دەيىن) قارسى تۇرۋى ءۇش راۋندقا سوزىلدى. فەررەيرا ءبىراۋىزدان قازىلار شەشىمىمەن جەڭىسكە جەتتى.
اۆستراليالىق كۋيللان سالكيللد پەن امەريكالىق تاي ميللەر «كەشتىڭ ۇزدىك ونەرى» ءۇشىن بونۋس الدى. ولار سايكەسىنشە پولياك ماتەۋش گامروت پەن تاعى ءبىر امەريكالىق بيللي رەي گوففتى مەرزىمىنەن بۇرىن تىزە بۇكتىردى.