مەملەكەت باسشىسىنىڭ جارلىعىمەن دميتري مالاحوۆ قازاقستان رەسپۋبليكاسى جوعارى سوت كەڭەسىنىڭ ءتوراعاسى لاۋازىمىن ساقتاپ قالدى، دەپ حابارلايدى infohub.kz سايتى.
جوعارى سوت كەڭەسىنىڭ رەسمي سايتىندا اتاپ وتىلگەندەي، دميتري ميحايلوۆيچ مالاحوۆ بۇل قىزمەتتى 2024 جىلدان بەرى اتقارىپ كەلەدى، ەندى ونىڭ وكىلەتتىگى ۇزارتىلدى.
دميتري مالاحوۆ 1974 جىلى 27 تامىزدا اقمولا وبلىسىنىڭ كوكشەتاۋ قالاسىندا دۇنيەگە كەلگەن. 1995 جىلى ق ر ءىىم الماتى جوعارى مەكتەبىن، ال 2025 جىلى رىسقۇلوۆ اتىنداعى ەكونوميكا جانە قارجى ۋنيۆەرسيتەتىن «زاڭگەر-قۇقىقتانۋشى، ەكونوميست» ماماندىعى بويىنشا بىتىرگەن.
2004–2019 جىلدارى ول ءىىم وڭىرلىك دەپارتامەنتتەرى مەن ورتالىق اپپارات دەپارتامەنتتەرى باسشىسىنىڭ ورىنباسارى، ەكونوميكالىق جانە سىبايلاس جەمقورلىق قىلمىستارعا قارسى كۇرەس اگەنتتىگىنىڭ، ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ سىبايلاس جەمقورلىققا قارسى ۇلتتىق بيۋروسىنىڭ قىزمەتتەرىن اتقاردى.
2019–2020 جىلدارى قارجى مينيسترلىگى قارجى مونيتورينگى كوميتەتىنىڭ جەدەل دەپارتامەنتىنىڭ باسشىسى بولدى. 2020–2022 جىلدارى ق ر سىبايلاس جەمقورلىققا قارسى ءىس-قيمىل اگەنتتىگى ءتوراعاسىنىڭ ورىنباسارى، ال 2022–2023 جىلدارى وسى ۆەدومستۆو ءتوراعاسىنىڭ ءبىرىنشى ورىنباسارى قىزمەتىن اتقاردى. 2023–2024 جىلدارى ق ر قارجى مونيتورينگى اگەنتتىگى ءتوراعاسىنىڭ ورىنباسارى، ال 2024 جىلى ق ر قارجى مونيتورينگى اگەنتتىگىنىڭ ءتوراعاسى بولىپ تاعايىندالدى.