قازاقستان قور بيرجاسىندا دوللار باعامى 2024 جىلدىڭ ماۋسىمىنان بەرى العاش رەت 450 تەڭگەدەن تومەندەدى. 14 قىركۇيەكتەگى ساۋدا قورىتىندىسى بويىنشا امەريكاندىق ۆاليۋتا 0،42%-عا، ياعني 1،88 تەڭگەگە ارزانداپ، 448،9 تەڭگەگە جەتتى، دەپ حابارلايدى infohub.kz سايتى.
سەسسيا بارىسىندا دوللاردىڭ ەڭ تومەنگى باعاسى 446،75 تەڭگە بولدى. ساۋدا كولەمى ورتاشا دەڭگەيدە – 440 ميلليون دوللاردى قۇرادى. كۇن قورىتىندىسى بويىنشا ورتاشا ولشەنگەن باعام ءبىر دوللار ءۇشىن 447،94 تەڭگە بولىپ قالىپتاستى. ايىرباستاۋ پۋنكتتەرىندە دوللار 450،5 تەڭگەدەن ساتىلۋدا.
قازاقستان قارجىگەرلەر قاۋىمداستىعى ءوز شولۋىندا باعامنىڭ تۇراقتى ديناميكاسى ۇلتتىق بانك وپەراسيالارى اياسىندا شەتەل ۆاليۋتاسىنا سۇرانىس پەن ونىڭ ۇسىنىسى اراسىنداعى تەپە-تەڭدىكتىڭ ساقتالىپ وتىرعانىن كورسەتەتىنىن اتاپ ءوتتى.
بۇعان دەيىن Freedom Holding Corp. ماجوريتارلىق اكسيونەرى تيمۋر تۋرلوۆ قازاقستاندىق كاپيتال نارىعىندا قازىرگى جوعارى ناقتى مولشەرلەمەلەر ساقتالسا، دوللاردىڭ ۇلتتىق ۆاليۋتاعا قاتىستى باعامى 400 تەڭگەدەن تومەن ءتۇسۋى مۇمكىن ەكەنىن مالىمدەگەن بولاتىن.