قازاقستان قور بيرجاسىندا (KASE) دوللار باعامى قاتارىنان ءۇشىنشى كۇن تومەندەپ جاتىر. بۇگىن امەريكان ۆاليۋتاسى تاعى 2 تەڭگەگە ارزاندادى، دەپ حابارلايدى infohub.kz سايتى.
سەيسەنبىدە دوللاردىڭ بيرجالىق باعامى 471،98 تەڭگەنى قۇرادى، كەشە — 469،85 تەڭگە. بۇگىن تومەندەۋ جالعاستى: KASE-دە شەتەل ۆاليۋتالارىمەن ساۋدا قورىتىندىسى بويىنشا دوللاردىڭ ورتاشا ولشەنگەن قۇنى 467،48 تەڭگە بولدى، ءبىر تاۋلىكتە 2 تەڭگەگە تومەندەدى.
ەلىمىزدىڭ مەگاپوليستەرىندەگى ايىرباس پۋنكتتەرىندە ساعات 15:30-دا قولما-قول دوللاردى ساتىپ الۋ جانە ساتۋ باعامدارى كەلەسىدەي: استانادا ساتىپ الۋ — 465-تەن 466 تەڭگەگە دەيىن، ساتۋ — 472-دەن 473 تەڭگەگە دەيىن؛ الماتىدا ساتىپ الۋ — 463،1-دەن 469 تەڭگەگە دەيىن، ساتۋ — 469،3-تەن 472 تەڭگەگە دەيىن؛ شىمكەنتتە ساتىپ الۋ — 468-دەن 468،5 تەڭگەگە دەيىن، ساتۋ — 470-تەن 470،1 تەڭگەگە دەيىن.
ەۋرو باعامى دا ازداپ تومەندەدى — تاۋلىگىنە 1 تەڭگەگە. ونىڭ بۇگىنگى ساعات 15:30-داعى ورتاشا ولشەنگەن ءمانى 540،64 تەڭگەنى قۇرايدى. ەلدەگى ايىرباس پۋنكتتەرىندە قولما-قول ەۋرونى ساتىپ الۋ جانە ساتۋ باعامدارى كەلەسىدەي: استانادا ساتىپ الۋ — 534-تەن 535 تەڭگەگە دەيىن، ساتۋ — 544-تەن 545 تەڭگەگە دەيىن؛ الماتىدا ساتىپ الۋ — 535-تەن 541 تەڭگەگە دەيىن، ساتۋ — 542-دەن 548 تەڭگەگە دەيىن؛ شىمكەنتتە ساتىپ الۋ — 536-دان 540 تەڭگەگە دەيىن، ساتۋ — 542-دەن 546 تەڭگەگە دەيىن.