قازاقستان قور بيرجاسىنداعى (KASE) دوللاردىڭ ورتاشا ولشەنگەن باعامى تاعى دا ءوسىپ، تاۋلىك ىشىندە 2 تەڭگەگە قىمباتتادى. ەۋرو دا وسىنداي ءوسىم كورسەتتى. ەلدەگى ايىرباس پۋنكتتەرىندە ۆاليۋتا ءقازىر قانشا تۇراتىنىن infohub.kz سايتى حابارلايدى.
اپتا باسىنان بەرى قازاقستاندا دوللار باعامى بىرتىندەپ ءوسىپ كەلەدى. كەشە ول 3 تەڭگەدەن استامعا قىمباتتاسا، بۇگىن ءوسىم جالعاستى. بۇگىنگى ساۋدا-ساتتىق قورىتىندىسى بويىنشا KASE-دە دوللاردىڭ ورتاشا ولشەنگەن باعامى 464،77 تەڭگەنى قۇراپ، 2 تەڭگەگە ءوستى.
ەلدىڭ مەگاپوليستەرىندەگى ايىرباس پۋنكتتەرىندە ساعات 15:30-داعى جاعداي بويىنشا، Kurs.kz پورتالىنىڭ دەرەگىنشە، قولما-قول دوللاردى ساتىپ الۋ جانە ساتۋ باعامدارى تومەندەگىدەي: استانادا — ساتىپ الۋ 460 تەڭگە، ساتۋ 467 تەڭگە؛ الماتىدا — ساتىپ الۋ 458،9-دان 464،8 تەڭگەگە دەيىن، ساتۋ 465،3-تەن 467 تەڭگەگە دەيىن؛ شىمكەنتتە — ساتىپ الۋ 464-تەن 465 تەڭگەگە دەيىن، ساتۋ 466-دان 467 تەڭگەگە دەيىن.
ەۋرو باعامى دا 2 تەڭگەگە ءوستى. ونىڭ ورتاشا ولشەنگەن ءمانى ساعات 15:30-دا 541،15 تەڭگەنى قۇرايدى. ەلدەگى ايىرباس پۋنكتتەرىندە قولما-قول ەۋرونى ساتىپ الۋ جانە ساتۋ باعامدارى تومەندەگىدەي: استانادا — ساتىپ الۋ 533 تەڭگە، ساتۋ 543 تەڭگە؛ الماتىدا — ساتىپ الۋ 533،5-تەن 540،5 تەڭگەگە دەيىن، ساتۋ 541،5-تەن 545 تەڭگەگە دەيىن؛ شىمكەنتتە — ساتىپ الۋ 535-تەن 540 تەڭگەگە دەيىن، ساتۋ 540-تان 545 تەڭگەگە دەيىن.
ەسكە سالايىق، ساراپشىلاردىڭ بولجامىنشا، 2026 جىلى دوللاردىڭ ورتاشا باعامى 490 تەڭگەنى قۇرايدى، ال 2028 جىلعا قاراي ول 562،2 تەڭگەگە دەيىن ءوسۋى مۇمكىن.