اپتا ىشىندە دوللاردىڭ تەڭگەگە شاققانداعى باعامى 7 تەڭگەگە جۋىق تومەندەدى: قازاقستان قور بيرجاسىندا (KASE) 17 شىلدەدەگى ساۋدا قورىتىندىسى بويىنشا امەريكالىق ۆاليۋتانىڭ ورتاشا ولشەنگەن باعامى 470،54 تەڭگەنى قۇرادى، بۇل الدىڭعى كۇننەن 1،53 تەڭگەگە از، دەپ حابارلايدى infohub.kz سايتى.
16 شىلدەدە KASE-دە دوللار باعامى 472،07 تەڭگە دەڭگەيىندە تىركەلدى. وسىلايشا، اپتا ىشىندە (13-17 شىلدە ارالىعىندا) ۇلتتىق ۆاليۋتا 7،28 تەڭگەگە نىعايدى: دۇيسەنبىدە باعام 477،11 تەڭگە بولسا، جۇماعا قاراي 470،54 تەڭگەگە دەيىن تومەندەدى.
ساۋدا بارىسىندا دوللاردىڭ ەڭ تومەنگى باعامى 468،75 تەڭگە، ەڭ جوعارىسى 473،58 تەڭگە بولدى. جابىلۋ باعامى 471،66 تەڭگە دەڭگەيىندە قالىپتاستى. ساۋدانىڭ جالپى كولەمى 359،7 ملن دوللارعا جەتىپ، 1 055 مامىلە جاسالدى.
Kurs.kz پورتالىنىڭ دەرەگىنشە، جاريالانعان كەزدە استاناداعى ايىرباس پۋنكتتەرىندە دوللاردى ەڭ كوپ دەگەندە 475 تەڭگەدەن، الماتىدا 474 تەڭگەدەن ساتقان.
قازاقستان ۇلتتىق بانكىنىڭ 17 شىلدەدەگى رەسمي باعامى 472،34 تەڭگە بولىپ بەلگىلەندى. ەسەپتەۋ تارتىبىنە سايكەس، 18-20 شىلدە ارالىعىنداعى رەسمي باعام 470،54 تەڭگەنى قۇرايدى.