دوس ىزدەگەن بوتا

«دوس ىزدەگەن بوتا» ەرتەگىسىنىڭ ساحنالىق كورىنىسى. ج. قالجانوۆا.
قويىلىمنىڭ ماقساتى:
بالالاردى تانىس ەرتەگى كەيىپكەرلەرىنىڭ رولىنە، ديالوگ، مونولوگ تۇرىندە سوزدەردى دىبىس ىرعاعىنا كەلتىرە ايتۋعا ۇيرەتۋ. ەرتەگىگە دەگەن قىزىعۋشىلىعىن ارتتىرۋ ارقىلى ساحنادا ءوزىن - ءوزى ەركىن ۇستاۋعا قالىپتاستىرۋ.
كورنەكىلىك: جايلاۋ بەينەسى، اڭداردىڭ كيىمى.

قاتىسۋشى كەيىپكەرلەر:
بوتالى تۇيە
مىسىق
يت
اتەش
باقا
لاق
قوزى
ارا

جۇرگىزۋشى: ەرتە، ەرتە، ەرتەدە بوتالى تۇيە بولىپتى. ول ءوزىنىڭ جىبەك ءجۇندى سۇيكىمدى بالاسىنا مەيىرىمدىلىكتى، ادالدىقتى ۇيرەتىپتى. ءمولدىر كوزدى بوتا وتە اقىلدى بولىپ وسەدى.
ءبىر كۇنى اناسى:
- بوتاشىم، مەن ساعان جاقسى دوستان باسقانىڭ ءبارىن بەردىم. ەندى تۋرا ءوزىڭ سياقتى دوس تاپ. دوسسىز ءومىر قىزىق ەمەس،- دەيدى.
بوتا اندەتە جولعا اتتانادى.
بوتا، بوتا، بوتامىن،
اقىلدى بوپ اتاندىم
توستاقانداي كوزىم
ادەمىمىن ءوزىم.
مىسىقتى كەزدەسىرەدى:
- ءبو - ءو - ءو، مەن دوس ىزدەپ ءجۇرمىن،- دەيدى بوتا بوزداپ.
- مياۋ - مياۋ، مياۋلاعان مىسىقپىن،
ءوزىم تىم پىسىقپىن،
كەل ەكەۋمىز دوس بولايىق.
- جوق - جوق سەن سياقتى دوس ەمەس.
بوتا ءيتتى كەزدەستىرەدى.
- اف، اف،
اتىم مەنىڭ ساققۇلاق،
جۇرەمىن ىلعي شاپقىلاپ.
كەل ەكەۋمىز دوس بولايىق.
بوتا اتەشتى كەزدەستىرەدى.
- كۋ - كا - رە - كۋ،
ال قىزىل مەنىڭ ايدارىم
تاڭمەن ەرتە تۇرامىن،
كەل ەكەۋمىز دوس بولايىق.
بوتا باقانى كەزدەستىرەدى.
- باقىلداعان باقامىن،
قىزىققا كۇندە باتامىن.
بوتا لاقتى كەزدەستىرەدى.
- مەن اقپىن،
سەكەڭدەگەن لاقپىن
كەل ەكەۋمىز دوس بولايىق.
بوتا قوزىنى كەزدەستىرەدى.
مەن قوزىمىن،
موماقاننىڭ ءوزىمىن.
كەل ەكەۋمىز دوس بولايىق.
بوتا ارانى كەزدەستىرەدى.
- ز - ز - ز، كەل ەكەۋمىز دوس بولايىق،
گۇل تەرەيىك، بال جينايىق.
- جوق، جوق سەن سياقتى دوس ەمەس.
ارا اشۋلانىپ قۋا جونەلەدى. بوتا زورعا دەگەندە قاشىپ قۇتىلادى.
اناسى: دوس تاپتىڭ با، بوتام؟
- جوق، اناشىم، سەنبەسەڭىز كوكتەگى كۇننەن سۇراڭىز. تۋرا مەن سياقتى ەشكىم جوق ەكەن.
- ءوزىڭ سياقتى دەگەنىم، ادالدىعىڭدى ايتقانىم، بوتاشىم. دوستى جان تازالىعىمەن تاڭداۋ كەرەك.
بوتا قۋانىپ دوستارىن شاقىرىپ الادى.