وڭتۇستىك افريكالىق مما فايتەرى دريكۋس ديۋ پلەسسي نيگەريالىق كامارۋ ۋسمانعا ويسىراتا جەڭىلىس تاتتىردى، دەپ حابارلايدى infohub.kz سايتى.
ورتا سالماقتاعى (83،9 كگ-عا دەيىن) بۇل جەكپە-جەك UFC Fight Night ءتۋرنيرىنىڭ وكلاحوما-سيتيدەگى باستى وقيعاسى بولدى.
جەكپە-جەك تولىق بەس راۋندقا سوزىلىپ، نەگىزىنەن تىك تۇرىپ ءوتتى. ديۋ پلەسسي ءار كەزەڭدە ۇستەمدىك ەتىپ، ءدال تيگەن سوققىلار بويىنشا قارسىلاسىنان باسىم بولدى جانە ونى بىرنەشە رەت سىلكىندىردى.
قورىتىندى – سۋديالاردىڭ ءبىراۋىزدان شەشىمى: 50:45، 49:46، 49:46. وسىلايشا، وڭتۇستىك افريكالىق فايتەر ەميراتتىق حامزات چيماەۆقا بەلبەۋدى جوعالتقان تيتۋلدىق جەكپە-جەكتەگى جەڭىلىستىڭ ورنىن تولتىردى.
ءقازىر 32 جاستاعى ديۋ پلەسسيدىڭ كاسىبي مما-دا 24 جەڭىسى جانە ءۇش جەڭىلىسى بار.
ۋسمان ورتا ديۆيزيونداعى ەكىنشى جەكپە-جەگىن وتكىزدى، بۇعان دەيىن چيماەۆتان جەڭىلگەن. 39 جاستاعى نيگەريالىقتىڭ جالپى 21 جەڭىسى جانە بەس جەڭىلىسى بار. بۇرىن ۋسمان UFC-دە جارتىلاي ورتا سالماقتا (77،1 كگ-عا دەيىن) چەمپيون بولعان.