دۋبايدان تەل-اۆيۆكە ۇشقان FlyDubai اۋەكومپانياسىنىڭ ۇشاعى ءقاۋىپ سيگنالىن بەرگەن كەزدەگى بورتتا تۇسىرىلگەن كادرلار ينتەرنەتتە تارادى. «گولوس يزرايليا» Telegram-ارناسى جاريالاعان بەينەجازبادا جولاۋشىلاردىڭ قونۋ بارىسىندا ءان سالىپ، قول سوعىپ جاتقانى كورىنەدى، دەپ حابارلايدى infohub.kz سايتى.
«FlyDubai ۇشاعىنان ساۋد ارابياسىندا قونۋ كەزىندە تۇسىرىلگەن العاشقى كادرلار، يزرايلدىكتەر العىس اندەرىن ايتۋدا: "ود اۆينۋ حاي!" ("اكەمىز ءالى ءتىرى"، بەرەشيت كىتابى). بۇگىن ۇلكەن كەرەمەت بولدى!» — دەلىنگەن ارنا جاريالانىمىندا.
بۇعان دەيىن بۇقارالىق اقپارات قۇرالدارىندا Boeing 737 جولاۋشىلار ۇشاعى ساۋد ارابياسى ۇستىنەن بۇرىلىس كەزىندە اپاتتىق جاعداي تۋرالى سيگنال بەرگەنى تۋرالى مالىمەتتەر پايدا بولدى. اۋە كەمەسى ۇرلاۋ نەمەسە زاڭسىز ارالاسۋ دەگەندى بىلدىرەتىن 7500 كودىن بەرگەن.
يزرايل اسكەري-اۋە كۇشتەرىنىڭ يسترەبيتەلدەرى ۇشاققا قاراي كوتەرىلدى. كەيىن اۋە كەمەسىنىڭ ساۋد ارابياسىنا قونعانى بەلگىلى بولدى.
كەيىنىرەك Flydubai اۋەكومپانياسى يزرايلدىك تەلەديدارعا دۋباي — تەل-اۆيۆ رەيسىندە ۇشقىشتار اراسىندا بورتتا توبەلەس بولعانىن حابارلادى. جەرگىلىكتى ب ا ق ەكيپاج ەكى ۇشقىشتان تۇرعانىن، بىرەۋى رەسەيدەن، ەكىنشىسى ۋكراينادان ەكەنىن مالىمدەدى.
يزرايل پرەمەر-مينيسترى بينيامين نەتانياحۋ كەڭسەسى FlyDubai اۋەكومپانياسىنىڭ ءقاۋىپ سيگنالىن بەرگەن ۇشاعىنداعى توتەنشە جاعدايعا جاۋاپ بەردى.
كەيىن ۇشاقتان العاشقى كادرلار پايدا بولدى. سونداي-اق FlyDubai ۇشاعى ۇشقىشتارىنىڭ ازاماتتىعى تۋرالى تاعى ءبىر نۇسقا ايتىلدى. رەسەي جانە ۋكراينا ازاماتتىعى تۋرالى نۇسقادان كەيىن ۇشقىشتاردىڭ ومان جانە ءباا ازاماتتىعى بار ەكەنى تۋرالى دەرەكتەر شىقتى.