دۋبايدان تەل-اۆيۆكە ۇشقان FlyDubai اۋەكومپانياسىنىڭ ۇشاعى «ۇرلاۋ» تۋرالى اپات سيگنالىن بەردى. ۇشاق ىشىنەن العاشقى كادرلار جاريالاندى، دەپ حابارلايدى infohub.kz سايتى.

SHOT Telegram-ارناسى ۇشاقتان تۇسىرىلگەن العاشقى سۋرەتتى جاريالادى. فوتوسۋرەتتە شابۋىلداۋشىمەن كۇرەسكەن بولجامدى جولاۋشى بەينەلەنگەن. ول قانعا بويالعان.

«ۇشاقتا بولعانداردىڭ ءبىرىنىڭ ايتۋىنشا، ەكيپاج مۇشەلەرىنىڭ بىرەۋى ۇشقىشتى پىشاقپەن جارالاپ، ۇشاق جۇيەلەرىنىڭ ءبىر بولىگىن ىستەن شىعارعان. سوندا جولاۋشى يانيۆ تاعى ءبىر ەر اداممەن بىرگە كابيناعا باسىپ كىرىپ، شابۋىلداۋشىنى زالالسىزداندىرعان. سول جولاۋشىنىڭ ايتۋىنشا، باقىتىمىزعا وراي، ۇشاقتا تاعى ەكى ۇشقىش بولعان. ولار وقيعادان كەيىن Boeingء-دى ساۋد ارابياسىندا قوندىرعان. باسقا نۇسقا بويىنشا، جولاۋشىلار ءوزارا توبەلەسكەن بولۋى مۇمكىن»، — دەلىنگەن حابارلامادا.

ءيزرايلدىڭ i24 تەلەارناسىنىڭ حابارلاماسىندا (اۋدارماسىن ربك كەلتىرگەن) تەرگەۋ بارىسىندا بيلىك ۇشقىشتاردىڭ بىرەۋى ۇشاقتى ادەيى قۇلاتپاق بولعان دەگەن نۇسقانى تەكسەرىپ جاتقانى ايتىلادى. ونىڭ ارەكەتىن ەكىنشى ۇشقىش پەن يزرايلدىك جولاۋشىلار توقتاتىپ، اپاتتىڭ الدىن العان بولجام بار.

تەلەارنا بۇل نۇسقا Flightradar سەرۆيسىنىڭ دەرەكتەرىن ءتۇسىندىرۋى مۇمكىن ەكەنىن اتاپ ءوتتى. وندا ۇشاقتىڭ ءبىر مينۋت ىشىندە 14 مىڭ فۋتقا (شامامەن 4،2 كم) كۇرت تومەندەگەنى تىركەلگەن.

سونىمەن قاتار، Mash Telegram-ارناسى ۇشاقتان تۇسىرىلگەن العاشقى بەينەنى جاريالادى. وندا يلليۋميناتوردان كورىنىس بايقالادى، سونداي-اق بەينەدە ايقايلار ەستىلەدى. ال Bild باسىلىمى ءبىرىنشى ۇشقىش (رەسەيلىك) پىشاقپەن ءوزىن ولتىرۋگە ارەكەتتەنگەنىن حابارلايدى. ەكىنشى ۇشقىش (ۋكراينالىق) وعان كەدەرگى كەلتىرىپ، ۇشاقتىڭ قۇلاۋىن بولدىرماعان. بۇل نۇسقا ازىرگە راستالماعان.

بۇعان دەيىن باق-تا Boeing 737 جولاۋشىلار ۇشاعى ساۋد ارابياسى ۇستىنەن بۇرىلىس كەزىندە اپاتتىق جاعداي تۋرالى سيگنال بەرگەنى تۋرالى اقپارات شىققان. ول ۇرلاۋ نەمەسە زاڭسىز ارالاسۋ دەگەندى بىلدىرەتىن 7500 كودىن جىبەرگەن.

يزرايل اسكەري-اۋە كۇشتەرىنىڭ يسترەبيتەلدەرى ۇشاققا قاراي كوتەرىلگەن. كەيىن اۋە كەمەسىنىڭ ساۋد ارابياسىنا قونعانى بەلگىلى بولدى.

ودان كەيىن Flydubai اۋەكومپانياسى يزرايلدىك تەلەارناعا دۋباي-تەل-اۆيۆ رەيسىندە ۇشقىشتار اراسىندا ۇشاق بورتىندا توبەلەس بولعانىن حابارلادى. جەرگىلىكتى ب ا ق ەكيپاج ەكى ۇشقىشتان تۇرعانىن، بىرەۋى رەسەيدەن، ەكىنشىسى ۋكراينادان ەكەنىن مالىمدەيدى.

يزرايل پرەمەر-مينيسترى بينيامين نەتانياحۋدىڭ كەڭسەسى FlyDubai اۋەكومپانياسىنىڭ اپات سيگنالىن بەرگەن ۇشاعىنداعى توتەنشە جاعدايعا قاتىستى پىكىر ءبىلدىردى.