دۋبايدان تەل-اۆيۆكە باعىت العان جولاۋشى ۇشاعى باسىپ الىنۋى مۇمكىن دەگەن دابىل بەردى. اقپارات ءقازىر تەكسەرىلىپ جاتىر، دەپ حابارلايدى infohub.kz سايتى.
The Times of Israel باسىلىمىنىڭ مالىمەتىنشە، اۋە كەمەسى ساۋد ارابياسى ۇستىنەن بۇرىلىس جاساۋ كەزىندە اپاتتىق جاعداي تۋرالى سيگنال جىبەرگەن. رەيستەردى باقىلاۋ دەرەكتەرىنە سايكەس، اۋەلدە Fly Dubai اۋەكومپانياسىنىڭ ۇشاعى توتەنشە جاعدايدى بىلدىرەتىن 7700 كودىن بەرگەن. كوپ ۇزاماي ول ۇشاقتىڭ ۇرلانۋىن نەمەسە زاڭسىز ارالاسۋدى بىلدىرەتىن 7500 كودىن جىبەردى.
قاۋىپسىزدىك قىزمەتتەرىندەگى دەرەككوزدەردىڭ اقپاراتى بويىنشا، يزرايل اسكەري-اۋە كۇشتەرىنىڭ يسترەبيتەلدەرى ۇشاققا قاراي كوككە كوتەرىلگەن. يزرايلدىك بۇقارالىق اقپارات قۇرالدارى پرەمەر-مينيستر مەن قورعانىس ءمينيسترى شۇعىل كەڭەس وتكىزىپ جاتقانىن حابارلايدى.
SHOT دەرەكتەرىنە سەنسەك، باسىپ الىنۋى مۇمكىن دەگەن دابىلدى Boeing 737 جولاۋشى ۇشاعى بەرگەن. الدىن الا مالىمەتتەرگە قاراعاندا، ۇشاق بورتىندا 180 ادام بار، ونىڭ 150ء-ى يزرايلدىكتەر. Baza باسىلىمىنىڭ جازۋىنشا، ۇشاق اپاتتىق سيگنال بەرۋدى توقتاتىپ، ەندى بايلانىسقا شىقپاي تۇر.
ربك باسىلىمى Ynet-كە سىلتەمە جاساپ، بورتىندا 174 جولاۋشى، ونىڭ ىشىندە 27 بالا بولۋى مۇمكىن ەكەنىن حابارلايدى. قاۋىپسىزدىك قىزمەتتەرىنىڭ وكىلى ۇشاقتىڭ ۇرلانۋى تۋرالى ناقتى اقپارات ازىرگە جوق ەكەنىن ناقتىلادى.