ديكتانت «ساۋىسقاننىڭ بەلگىسى»

قازاق ءتىلى 3 سىنىپ
ساباقتىڭ تاقىرىبى: ديكتانت «ساۋىسقاننىڭ بەلگىسى»
ساباقتىڭ ماقساتى: وقۋشىلاردىڭ دىبىستى ەستۋ قابىلەتتەرىن تەكسەرۋ. ورفوگرافيا مەن ورفوەپيانىڭ ايىرماشىلىقتارىن اجىراتا ءبىلۋ قابىلەتتەرىن تەكسەرۋ.
مىندەتتەرى:
بىلىمدىلىك: - وقۋشىلاردى سوزدەردى ساۋاتتى ءارى ادەمى جازۋعا ۇيرەتۋ؛
- بىلىمدەرىن تەكسەرۋ؛
- قوس دىبىستى ارىپتەردىڭ جازىلۋىن پىسىقتاۋ.
- قاتەمەن جۇمىس جاساتۋ؛
دامىتۋشىلىق: وقۋشىلاردىڭ سوزدىك قورىن ارتتىرۋ،
- دىبىستاردى اجىراتۋ داعدىسىن قالىپتاستىرۋ،
- تىنىس بەلگىلەرىن دۇرىس قويا بىلۋگە ماشىقتاندىرۋ.
ساباقتىڭ ءتۇرى: قايتالاۋ ساباعى
ادىستەمەلىك تاسىلدەرى: مانەرلەپ وقۋ، ءتۇسىندىرۋ، باقىلاۋ، ءوزىن - ءوزى تەكسەرۋ، قاتەمەن جۇمىس

ساباقتىڭ جوسپارى:
ۇيىمداستىرۋ كەزەڭى - 3مين.
ءۇي تاپسىرماسىن تەكسەرۋ - 5مين.
جاڭا ساباق - 20مين.
ساباقتى بەكىتۋ - 5مين.
ۇيگە تاپسىرما بەرۋ - 3مين.
قورىتىندىلاۋ - 6مين.
باعالاۋ - 3مين.

ۇيىمداستىرۋ كەزەڭى:
ا) سالەمدەسۋ.
ءا) وقۋشىلاردى تۇگەندەۋ.
ب) ساباققا زەيىندەرىن اۋدارتۋ.
ساباقتى ى. ءالتىنساريننىڭ «كەل، بالالار وقىلىق!» ولەڭىمەن باستاۋ.

ساۋىسقاننىڭ بەلگىسى
ورمان ىشىمەن تۇلكى كەلە جاتتى. الاڭقايلاردان جۇگىرىپ وتەدى. قالىڭ اعاشتاردىڭ اراسىنان ەپتەپ جۇرەدى. ءبىر بۇتاعا دا سوقتىقپايدى. كەنەت ول جەر باۋىرلاپ جاتا قالدى. بالاپاندارىن ەرتىپ بودەنە كەلە جاتىر ەكەن. سول ارادا ساۋىسقان شىق ەتە قالدى. بودەنە مەن بالاپاندارى پىر ەتىپ ۇشا جونەلدى. تۇلكىنىڭ ارەكەتى زايا كەتتى. بودەنە تۇلكىدەن قۇتىلىپ كەتتى.

سەرگىتۋ ءساتى
تاپسىرما. 1. بالاپاندارىن، اعاشتاردىڭ دەگەن سوزدەردى قۇرامىنا تالدا، بەلگىلە.
2. ەپتەپ، زايا سوزدەرىن باسقاشا قالاي ايتۋعا بولادى؟
- ءمۇعالىم ءماتىندى ءبىر قايتارا وقيدى،
- قيىن سوزدەردى تالداپ، ماعىناسىن ءتۇسىندىرىپ، تاقتاعا جازىلۋىن كورسەتەدى،
- ءماتىندى وقۋشىلار تالدايدى،
- ءبىر سويلەمنەن تەكسەرە وتىرىپ جازادى،
- قايتالاۋعا بايلانىستى تاپسىرمالار ورىندايدى.
ۇيگە تاپسىرما: ەرەجەلەردى قايتالاۋ. باعالاۋ.