ادەبيەت
ساباقتىڭ اتاۋى: ديقان بابا اڭىز
سىلتەمە: ادەبيەت وقۋلىعىنىڭ ادىستەمەسى
ساباقتىڭ جابدىعى: 1. وقۋشىلارعا ماتىندەگى نەگىزگى ويدى، يدەيانى ۇعىندىرۋ.
2. وقۋشىلارعا مولشىلىق تۋرالى ماعلۇمات بەرۋ. وي ۇشقىرلىعىن دامىتۋ.
3. وقۋشىلاردى ەڭبەك سۇيگىشتىككە، ىسكەرلىككە، ناندى قادىرلەۋگە تاربيەلەۋ.
ساباق كورنەكىلىگى: ساياحات سحەماسى، ايالدامالار سۋرەتتەرى، ماقال - ماتەلدەر جازىلعان پاراقتار، باعالاۋ پاراقتارى، ينتەراكتيۆتى تاقتا.
ساباق ءتۇرى: ارالاس ساباق، ساياحات ساباق.
جالپى ماقساتتار
توپقا ءبولۋ 1، 2، 3 سيفرلارى ارقىلى توپتارعا ءبولۋ
ىنتىماقتاستىق اتموسفەراسى پسيحولوگيالىق دايىندىق.
ۇلكەنگە دە ءسىز
كىشىگە دە ءسىز
بار ادامدى قۇرمەتتەپ
باس يەمىز ءبىز.
ءمۇعالىم: مەن وڭ قولىمدى جايىپ، جۇرەگىمنەن قۋانىش الىپ سەندەرگە سىيلايمىن. جەر بەتىندەگى ەڭ اقىلدى ەڭ كۇشتى كىم؟ (ادام). ال سەندەر دە اقىلدى، كۇشتى، زەرەكتىسىڭدەر.
ەندەشە ءبىز ءوز بىلىمىمىزگە سەنىپ ساباعىمىزدى باستايىق.

قىزىعۋشىلىقتى وياتۋ
كىرىسپە اڭگىمە.
سوناۋ – سوناۋ اتام زاماندا، ادام جاڭا ادام بولىپ كەلە جاتقاندا، اسپان اتا مەن جەر انا «جان بەرگەنگە ءدان بەرىپ»، جان بىتكەندى جارىلقاپ، ديقان بابا جىل سايىن جاڭبىر ورنىنا ارپا - بيداي، قار ورنىنا اپپاق ۇن جاۋدىرىپ وتىرعان ەكەن.
سونان سوڭ ەگىن بەينە جەردىڭ ءشوبى سياقتى جىل سايىن ءوزى ءوسىپ - ءونىپ، مەزگىلىمەن ءپىسىپ تۇراتىن بولىپتى. ول زامانداعى ەل - جۇرت «سەنىكى - مەنىكى» دەمەي، دايىن استىقتى جيناپ الىپ، شەتىنەن جەي بەرەدى ەكەن.
ءبىر جىلى ەگىن قالىڭ شىعىپتى دا، وراسان، استا - توك بولىپ، ىشۋگە اۋىز، قويارعا جەر تابىلماپتى. مۇنداي مولشىلىقتى كوتەرە الماي، مەيماناسى تاسىعان ادامدار: «ديقان بابا، بيىلعىداي كوپ بەرىپ قيقاڭداما»، — دەپ، كەپيەت ءسوز ايتىپتى. كول - كوسىر استىقتى اياقاستى ەتىپ قورلاپتى. بۇل وسپادارلىققا شامدانعان ديقان بابا ءۇش جىل ۇدايى تەرىس قاراپ: «اس ءقادىرىن بىلمەسەڭ، اشارشىلىق بەرسىن جازاڭدى»، — دەپتى دە، كوكتەن جاۋدىرعاندى قويىپ، جەر بەتىنە ءبىر ءتۇبىر ءدان وسىرمەي تاستاپتى.
اشارشىلىققا تاپ بولىپ، تەنتىرەگەن جۇرت ديقان باباعا قايتادان جالىنىپ - جالبارىنىپتى. شۇبىرىپ الدىنا بارىپ، اياعىنا جىعىلىپتى. جۇرتتىڭ بىلمەستىگىن كەشىرگەن ديقان بابا ولاردى قايتا ەسىركەپتى. ءبىراق بۇرىنعىداي اسپاننان ارپا - بيداي، اق ۇن جاۋدىرماي، ونىڭ ورنىنا جازدا جاڭبىر، قىستا قار جاۋدىرىپ: «جاۋىن - شاشىننىڭ سۋىنا وزدەرىڭ ەگىن ەگىپ، كەرەكتەرىڭە جارايتىن قورەكتەرىڭدى الىپ وتىرىڭدار»، — دەپتى.
اشارشىلىق كورىپ، اس ءقادىرىن بىلگەن جۇرت ماڭداي تەرىن توگىپ، ءوز قولىمەن ەگىن ەككەن ەكەن.
ولار بۇرىنعىداي اس - ازىقتى توگىپ - شاشىپ، «نانتەپتىلىك» ىستەمەيتىن، كەسىرلى - كەپيەت سوزدەردى ايتپايتىن بولعان ەكەن.

4.«ساندىقشا» بەلگىسى بار اۋىل – سوزدەرگە تۇسىنىك.
سوزدىكپەن جۇمىس
مەيماناسى تاسۋ – استامشىلىق جاساۋ.
كەپيەت ءسوز – كەسىر ءسوز.
وسپادارلىق – كورگەنسىزدىك.
ەسىركەۋ – جانى اشۋ.
ديقان بابا اڭىز. جۇكتەۋ