امەريكاندىق اكتەر ءارى مۋزىكانت دجارەد لەتو BBCء-دىڭ «دجارەد لەتو: گولليۆۋدتىڭ قارا سىرى» اتتى جاڭا دەرەكتى فيلمىندە ايتىلعان جىنىستىق زورلىق-زومبىلىق جانە ورىنسىز مىنەز-ق ۇلىق تۋرالى ايىپتاردى تولىقتاي جوققا شىعاردى، دەپ حابارلايدى infohub.kz سايتى.
«مەن ومىرىمدە ەشكىمدى جىنىستىق زورلىققا ۇشىراتپادىم. بۇل ايىپتار مۇلدەم جالعان ءارى نەگىزسىز»، — دەدى اكتەر.
فيلمدە ءتورت ايەل اكتەردى جىنىستىق سيپاتتاعى ارەكەتتەرگە كىنالادى. ولاردىڭ ايتۋىنشا، وقيعالار 2002-2016 جىلدار ارالىعىندا، ولار ءجاسوسپىرىم كەزىندە، ال لەتو 30-40 جاستا بولعاندا ورىن العان. ايتىلعان ايىپتاردىڭ ىشىندە جىنىستىق زورلىق-زومبىلىق، قورقىتۋ، ادەپسىز تەلەفون سويلەسۋلەرى جانە كامەلەتكە تولماعان قىزبەن جىنىستىق قاتىناس بار.
BBC دەرەگىنشە، كەيبىر وقيعالاردى حات الماسۋ، فوتوسۋرەتتەر جانە سول كەزدە ايەلدەر وزدەرىنىڭ باسىنان وتكەرگەنىن ايتقان ادامداردىڭ كۋالىكتەرى ارقىلى ءىشىنارا راستاۋ مۇمكىن بولدى. فيلمگە قاتىسقان تاعى بىرنەشە ايەل لەتودان جىنىستىق سيپاتتاعى قوڭىراۋلار العانىن مالىمدەدى.
ەسكە سالا كەتەيىك، دجارەد لەتو قازاقستاندا ەكى رەت — 2024 جانە 2025 جىلدارى كونسەرت بەرگەن. ءبىر ونەر كورسەتۋىندە ول الماتىدان ءۇي ساتىپ الۋعا قارسى ەمەس ەكەنىن مەڭزەگەن ەدى. سونداي-اق اكتەر استاناداعى ءبىر ءسابيدىڭ قۇداسى بولۋعا دايىن ەكەنىن ايتقان بولاتىن.