پورتۋگاليالىق فۋتبولشى كريشتيانۋ رونالدۋ مەن ونىڭ ۇزاق جىلعى سۇيىكتىسى دجوردجينا رودريگەستىڭ نەكە راسىمىنەن كەيىن تابلويدتەر مەن زەرگەرلىك ساراپشىلاردىڭ نازارى كەلىننىڭ بەينەسىنە، اسىرەسە ونىڭ اشەكەيلەرىنە اۋىپ وتىر. Page Six مالىمەتىنشە، دجوردجينا ۇيلەنۋ تويىنا فرانسۋزدىق Chopard زەرگەرلىك ءۇيىنىڭ جالپى سالماعى 250 كاراتتان اساتىن اسىل تاستارىن تاڭداعان، ال ولاردىڭ قۇنى شامامەن $50 ملن (شامامەن 23،1 ملرد تەڭگە) دەپ باعالانۋدا، دەپ حابارلايدى infohub.kz.
ەڭ باستى اشەكەي — ورتاسىندا سالماعى 50 كارات بولاتىن الماس ورنالاسقان، اينالاسىن جالپى سالماعى 150 كاراتقا جۋىق ۇساق تاستار قورشاعان Garden of Kalahari القاسى. القانى ءۇش ءتۇرلى اسپالى اشەكەيمەن تاعۋعا بولادى، ال دجوردجينا ولاردىڭ ەكەۋىن سىرعا رەتىندە پايدالانعان: ءبىرى — 25 كاراتتىق المۇرت ءپىشىندى الماس، ەكىنشىسى — 26 كاراتتىق جۇرەك ءپىشىندى تاس.
القانىڭ ءوزى قىزىقتى تاريحى بار. ول سالماعى 342 كارات بولاتىن Queen of Kalahari الماسىنان جاسالعان، ول 23 بولەك تاسقا بولىنگەن. 2023 جىلى ءدال وسى القانى، ءبىراق اسپالى اشەكەيلەرسىز، بەيونسە Met Gala كەشىندە تاققان بولاتىن.
Chopard جيىنتىعىنان باسقا، دجوردجينا ۇلكەن سوپاق الماسى بار نەكە ساقيناسىن ساۋساعىنا سالعان. Page Six كەلتىرگەن ساراپشىلاردىڭ باعالاۋىنشا، ونىڭ قۇنى $5 ملن-عا (2،3 ملرد تەڭگە) جەتۋى مۇمكىن، ال ورتالىق تاستىڭ سالماعى 30 كاراتتان اسادى.
ەسكە سالايىق، جۇپتىڭ ۇيلەنۋ تويى 11 تامىزدا بەلگىلى بولدى — رونالدۋ مەن رودريگەس تانىسقاندارىنا تۋرا 10 جىل تولعاندا پورتۋگالياداعى ۇيلەرىندە جابىق ءراسىم وتكىزدى. كەيىن تويدىڭ ەكسكليۋزيۆتى كادرلارى Vogue جۋرنالىندا جاريالاندى. جۇپ ۇلكەن تويدىڭ ورنىنا بالالارى مەن بىرنەشە كۋاگەردىڭ قاتىسۋىمەن وڭاشا نەكە قيۋدى ۇيعاردى.