امەريكاندىق اكتەر ءارى مۋزىكانت دجارەد لەتو BBC دەرەكتى فيلمىندە وزىنە قاتىستى ايتىلعان جىنىستىق زورلىق ايىپتاۋلارىن جوققا شىعاردى، — دەپ حابارلايدى infohub.kz.
29 شىلدەدە PEOPLE باسىلىمىنا جولدانعان مالىمدەمەسىندە ءارتىس بارلىق ايىپتاۋلاردى قاتاڭ تۇردە جوققا شىعاردى. «مەن ومىرىمدە ەشقاشان ەشكىمگە جىنىستىق زورلىق جاساعان ەمەسپىن. بۇل مالىمدەمەلەر مۇلدەم جانە قاتاڭ تۇردە جالعان»، — دەپ اتاپ ءوتتى لەتو.
بۇعان دەيىن BBC تەرگەۋ جاريالاپ، وندا ءتورت ايەل Thirty Seconds to Mars توبىنىڭ فرونتمەنىن كامەلەتكە تولماعاندارعا قاتىستى سەكسۋالدىق سيپاتتاعى قىلمىستار جاسادى دەپ ايىپتاعان. ونىڭ بىرەۋى 17 جاسىندا موتەلدە زورلىق كورگەنىن مالىمدەگەن. تاعى بىرەۋى 19 جاسىندا اكتەر ءقوناقۇي بولمەسىندە وزىنە سەكسۋالدىق زورلىق كورسەتۋمەن قورقىتقانىن ايتقان. ءۇشىنشى ايەل كاليفورنيادا 17 جاسىندا لەتو-مەن ينتيمدىك قارىم-قاتىناسقا تۇسكەنىن، ال ءتورتىنشىسى 16 جاسىندا باستالعان ۇياتسىز تەلەفون قوڭىراۋلارى تۋرالى حابارلاعان. جۋرناليستەر تاعى ءتورت ايەلدىڭ جاس كەزىندە اكتەرمەن تەلەفون ارقىلى سەكسۋالدىق اڭگىمەلەر جۇرگىزگەنىن ايتقانىن اتاپ ءوتتى.