اكتريسا دجەسسيكا البا مەن ونىڭ 18 جاستاعى قىزى ونور وتباسى ومىرىندەگى ماڭىزدى وقيعانى پار تاتۋيروۆكا جاساتىپ اتاپ ءوتتى. سەبەپ — قىزدىڭ بەدەلدى يەل ۋنيۆەرسيتەتىنە ءتۇسۋى، دەپ حابارلايدى infohub.kz سايتى.
ونور كوننەكتيكۋتكە وقۋعا كەتەر الدىندا اناسى مەن قىزى تاتۋ-سالونعا بارىپ، تەرىلەرىنە بىردەي سۋرەت سالدىردى. ونور الەۋمەتتىك جەلىلەردە جاڭا تاتۋيروۆكالارى بار ايقاسقان ساۋساقتاردى كورسەتكەن فوتوسۋرەتپەن ءبولىستى.
ونور ۋوررەن — دجەسسيكا البا مەن ونىڭ بۇرىنعى كۇيەۋى كەش ۋوررەننىڭ ۇلكەن بالاسى. قىز جاقىندا لوس-اندجەلەستەگى جەكە مەكتەپتى ءبىتىرىپ، جوعارى ءبىلىم الۋ ءۇشىن كوننەكتيكۋت شتاتىنا كوشۋگە دايىندالۋدا. ايتا كەتەيىك، ونىڭ اكەسى دە يەل ۋنيۆەرسيتەتىنىڭ تۇلەگى.
ونوردان باسقا، بۇرىنعى جۇبايلار 14 جاستاعى قىزى حەۆەن مەن 8 جاستاعى ۇلى حەيستى تاربيەلەپ وتىر. اجىراسقانىنا قاراماستان، البا مەن ۋوررەن دوستىق قارىم-قاتىناستى ساقتاپ، وتباسىلىق ءىس-شارالارعا بىرگە قاتىسادى. اكتريسانىڭ جانكۇيەرلەرى تۇسىنىكتەمەلەردە پار تاتۋيروۆكالار انا مەن قىز اراسىنداعى بەرىك بايلانىستىڭ اسەرلى سيمۆولىنا اينالعانىن اتاپ ءوتتى.