دەموكراتيالىق كونگو رەسپۋبليكاسى مەن ۋگانداداعى ەبولا قىزباسىنان قازا تاپقاندار سانى 1000-نان استى، دەپ حابارلايدى infohub.kz.
دۇنيەجۇزىلىك دەنساۋلىق ساقتاۋ ۇيىمىنىڭ دەرەگىنشە، 21 شىلدەدەگى جاعداي بويىنشا قازا تاپقانداردىڭ جالپى سانى 1001-گە جەتتى: 999-ى — كونگو در-دا، 2-ەۋى — ۋگاندادا. جۇقتىرۋدىڭ راستالعان جاعدايلارى 2494ء-تى قۇرايدى.
ىندەت 15 مامىردا ۋگاندا مەن وڭتۇستىك سۋدان شەكاراسىنداعى يتۋري پروۆينسياسىندا باستالدى. 17 مامىردا ددۇ جاعدايدى دەنساۋلىق ساقتاۋ سالاسىنداعى توتەنشە جاعداي دەپ جاريالادى. تارالىپ جاتقان «بۋنديبۋگيو» شتامىنا قارسى بەكىتىلگەن ەمدەۋ ادىستەرى مەن ۆاكسينالار جوق. جۇقتىرعاندارعا پاللياتيۆتىك كومەك كورسەتىلەدى: وقشاۋلاۋ، سۇيىقتىقتىڭ جوعالۋىن تولتىرۋ جانە اۋىرسىنۋدى باسۋ.