بريتاندىق ءانشى ەد شيران ءوزىنىڭ تۋرىنا رەپەر Macklemore قاتىسۋىنا بايلانىستى جانجالدان كەيىن جانكۇيەرلەرىنەن كەشىرىم سۇراپ، گازا سەكتورىنداعى وقيعالارعا قاتىستى ۇستانىمىن ءبىلدىردى. بۇل تۋرالى infohub.kz سايتى حابارلايدى.
امەريكالىق رەپەر Macklemore گاسترولدەرىنىڭ قاتىسۋشىلارى قاتارىنان شىعارىلعان سوڭ، ءانشى كورەرمەندەرگە ۇندەۋ جاسادى. شيران ءوز شىعارماشىلىعىنا قارسى سىنعا ۇيرەنگەنىن اتاپ ءوتتى.
«ءبىراق وسى اپتادا سىن الدەقايدا ماڭىزدى نارسەگە قاتىستى بولدى، ماعان قيىن شەشىمدەر قابىلداۋعا تۋرا كەلدى. مەن قاتەلەسەمىن، وكىنىشىم شەكسىز»، — دەدى ول اقش-تىڭ فيلادەلفيا قالاسىنداعى كونسەرتىنىڭ الدىندا.
ءانشى ءاردايىم ساياسي مالىمدەمەلەردەن اۋلاق بولۋعا تىرىسقانىن، مۋزىكاسى مەن كونسەرتتەرى ادامداردى بولۋگە ەمەس، بىرىكتىرۋگە ىقپال ەتسىن دەگەنىن ايتتى.
«ءبىراق بۇل — گۋمانيتارلىق ماسەلە، مەن بۇل جونىندەگى سەزىمىمدى بۇدان ءارى جاسىرا المايمىن. يزرايلدەگى جانە Nova فەستيۆالىندەگى وقيعالار قورقىنىشتى بولدى، ول ەۆرەي حالقىنىڭ عاسىرلار بويعى ازابىن قامتىدى. گازا سەكتورىنداعى جاعداي اپاتتى، نەگىزسىز جانە پروپورسيونالدى ەمەس»، — دەدى شيران.
سودان كەيىن ول كونسەرتتەرىندە ساياسي كوزقاراستارى قاراما-قارسى ادامدار دا ءبىر-بىرىن قولداي الادى دەگەن ءۇمىتىن ءبىلدىردى.
شيراننىڭ تۋرىن ۇيىمداستىرۋشىلار بۇعان دەيىن امەريكالىق رەپەر Macklemore-دى پالەستينانى قولداعان مالىمدەمەسىنەن كەيىن قىزدىرۋشى ارتىستەر قاتارىنان الىپ تاستاعان بولاتىن. ونىمەن ىنتىماقتاستىق بەلگىسى رەتىندە تۋرعا قاتىسۋدان قالعان ارتىستەردىڭ بارلىعى باس تارتتى.