14 شىلدەدە ەۋرازيالىق ەكونوميكالىق كوميسسيانىڭ (ەەك) القاسى ۇيالى قۇرىلعىلاردى اكەلۋگە قاتىستى جاڭا تالاپتار ەنگىزدى: ەندى ەكسپرەسس-جۇكتەردى كەدەندىك رەسىمدەۋ كەزىندە ۇيالى بايلانىس فۋنكسياسى بار سمارتفوندار مەن پلانشەتتەردىڭ IMEI-كودتارىن كورسەتۋ قاجەت. بۇل شەشىم ازىرگە تەك قازاقستان مەن قىرعىزستانعا قاتىستى، دەپ حابارلايدى infohub.kz سايتى.
وزگەرىستەر ەكسپرەسس-جۇكتەرگە ارنالعان جولاۋشىلار كەدەندىك دەكلاراسياسىن تولتىرۋ تارتىبىنە ەنگىزىلدى. «بۇل اتالعان قۇرىلعىلاردى ەاەس كەدەندىك اۋماعىنا اكەلۋ كەزىندە ولاردى تىركەۋ جانە تەكسەرۋ ۇلتتىق ەرەجەلەرىنە بايلانىستى»، — دەپ مالىمدەدى ەەك-تە.
ەسكە سالا كەتەيىك، ەكسپرەسس-جۇكتەرگە ارنالعان جولاۋشىلار كەدەندىك دەكلاراسياسىنىڭ نىسانى مەن تولتىرۋ ءتارتىبى ەەك القاسىمەن 2018 جىلعى 16 قازاندا بەكىتىلگەن بولاتىن. بۇل قۇجات ەكسپرەسس-تاسىمالداۋشىلار جەتكىزەتىن جەكە پايدالانۋعا ارنالعان تاۋارلاردى كەدەندىك دەكلاراسيالاۋ كەزىندە قولدانىلادى.