ەگيپەتتىڭ قىزىل تەڭىز جاعالاۋىندا بولعان جول اپاتىنان كەمىندە 16 ادام قازا تاپتى. بۇل تۋرالى ەلدىڭ دەنساۋلىق ساقتاۋ مينيسترلىگى حابارلادى. تاعى 28 ادام جاراقات الدى. وقيعا سارسەنبى كۇنى تاڭەرتەڭ وڭتۇستىك سيناي پروۆينسياسىنداعى داحاب پەن نۋۆەيبا قالالارى اراسىنداعى جولدا بولدى. ەگيپەت پەن يوردانيا باق-تارىنىڭ مالىمەتىنشە، قازا تاپقاندار اراسىندا يوردانيا ازاماتتارى دا بار.
ەگيپەت دەنساۋلىق ساقتاۋ مينيسترلىگىنىڭ حابارلاۋىنشا، وقيعا ورنىنا 20-عا جۋىق جەدەل جاردەم كولىگى جىبەرىلىپ، العاشقى كومەك كورسەتىلىپ، جاراقاتتانعاندار ەۆاكۋاسيالاندى. اپاتتىڭ سەبەبى ازىرگە بەلگىسىز. بۇل ايماق — الەمنىڭ تۇكپىر-تۇكپىرىنەن تۋريستەردى تارتاتىن تانىمال دەمالىس ورنى.
ەگيپەتتە جول اپاتتارى ءجيى تىركەلەدى. بيلىكتىڭ مالىمەتىنشە، 2025 جىلى ەلدە 6000-عا جۋىق ادام جول اپاتىنان قازا تاپقان. مۇنداي وقيعالاردىڭ سەبەبى كوبىنەسە ابايسىز جۇرگىزۋ مەن جولداردىڭ ناشار جاعدايى دەپ كورسەتىلەدى. وتكەن ايدا سولتۇستىك-شىعىستاعى يسمايليا پروۆينسياسىندا ەكى جۇك كولىگى سوقتىعىسىپ، 18 ادام قازا تاۋىپ، 30 ادام جاراقات العان ەدى.